2023-09-11 22:58:16, 929 ნახვა
მსოფლიო
კრემლი - კიმ ჩენ ინის ვლადიმერ პუტინთან შეხვედრა სრულმასშტაბიანი ვიზიტი იქნება
ჩრდილოეთ კორეის ლიდერის, კიმ ჩენ ინის ვლადიმერ პუტინთან შეხვედრა სრულმასშტაბიანი ვიზიტი იქნება, - ამის შესახებ რუსეთის პრეზიდენტის პრესსპიკერმა, დიმიტრი პესკოვმა განაცხადა.
როგორც პესკოვი აღნიშნავს, მოლაპარაკებების მთავარი თემა მეზობელ ქვეყნებს შორის ორმხრივი ურთიერთობები იქნება.
„ორ დელეგაციას შორის იქნება მოლაპარაკებები. ამის შემდეგ, საჭიროების შემთხვევაში, ლიდერები გააგრძელებენ კომუნიკაციას პირისპირ ფორმატში.
ჩვენ გავაგრძელებთ ჩვენი მეგობრობის განმტკიცებას“, - განაცხადა პესკოვმა.
შეგახსენებთ, სამხრეთ კორეული მედიის ცნობით, ჩრდილოეთ კორეის ლიდერი კიმ ჩენ ინი რუსეთში ვლადიმერ პუტინთან შესახვედრად გაემგზავრა.
ავტორი: ექსპრესნიუსი,
epn.ge (@expressnews.ge)
