2023-09-08 09:16:37, 810 ნახვა
მსოფლიო
პენტაგონი უკრაინას 600 მლნ დოლარის ღირებულების დახმარების ახალ პაკეტს გადასცემს
ამერიკის შეერთებულმა შტატებმა უკრაინის დასახმარებლად ახალი, 600 მილიონი დოლარის ღირებულების პაკეტი გამოყო. შესაბამისი განცხადება პენტაგონის ოფიციალურ ვებგვერდზე გამოქვეყნდა.
დახმარების ახალი პაკეტი უკრაინის საჰაერო თავდაცვის გასაძლიერებელ აღჭურვილობასა და საარტილერიო საბრძოლო მასალებს, დამატებით საბრძოლო მასალას მაღალი მობილობის სარაკეტო და საარტილერიო სისტემებისთვის (HIMARS) და განაღმვისთვის საჭირო აღჭურვილობას მოიცავს.
"აშშ გააგრძელებს მუშაობას თავის მოკავშირეებთან და პარტნიორებთან, რათა უკრაინას ჰქონდეს შესაძლებლობები ბრძოლის ველზე, გრძელვადიანი უსაფრთხოების საჭიროებების დასაკმაყოფილებლად",- აღნიშნულია განცხადებაში.
ავტორი: ექსპრესნიუსი,
epn.ge (@expressnews.ge)
