2023-09-05 15:58:04, 821 ნახვა
მსოფლიო
უკრაინის რადამ ოლექსეი რეზნიკოვის თავდაცვის მინისტრის პოსტიდან გათავისუფლებას მხარი დაუჭირა
უკრაინის რადამ ოლექსეი რეზნიკოვის თავდაცვის მინისტრის პოსტიდან გათავისუფლებას მხარი დაუჭირა. აღნიშნულის შესახებ ინფორმაციას უკრაინული მედია ავრცელებს.
მედიის ცნობით, რეზნიკოვის თანამდებობიდან გათავისუფლებას მხარი 327-მა დეპუტატმა დაუჭირა.
მედიის ცნობითვე, აღნიშნულ პოსტზე რეზნიკოვს რუსტემ უმეროვი ჩაანაცვლებს.
ცნობისთვის, 3 სექტემბერს უკრაინის პრეზიდენტმა, ვოლოდიმირ ზელენსკიმ გამოაცხადა, რომ თავდაცვის მინისტრის გადაყენების გადაწყვეტილება მიიღო.
ამასთან, 4 სექტემბერს, ოლექსეი რეზნიკოვმა თანამდებობიდან გათავისუფლების განცხადებით უკრაინის რადას მიმართა.
ავტორი: ექსპრესნიუსი,
epn.ge (@expressnews.ge)
