"ბლექ სი არენაზე" მიმდინარე კონცერტის დროს, The Killers-ის სოლისტმა, ბრენდან ფლაუერსმა აუდიტორიიდან სცენაზე რუსი დრამერი აიყვანა, რასაც მსმენელის პროტესტი მოჰყვა.

ერთ-ერთი სიმღერის შესრულების წინ, სოლისტმა აუდიტორიას ჰკითხა, იყო თუ არა მათ შორის ვინმე, ვინც დრამზე დაკვრა იცოდა. ამის შემდეგ კი, სცენაზე შერჩეული დრამერი აიყვანა, რომელიც ეროვნებით რუსი აღმოჩნდა.

დრამერის ეროვნების გაგების შემდეგ, ჯგუფის სოლისტმა აუდიტორიას ჰკითხა, მისაღები იყო თუ არა მათთვის, რომ სცენაზე რუს დრამერს დაეკრა. მსმენელის მკვეთრად უარყოფითი დამოკიდებულების მიუხედავად, ჯგუფმა რუს დრამერთან ერთად კომპოზიცია მაინც შეასრულა.

სიმღერის დასრულების შემდეგ, The Killers-მა აუდიტორიას მიმართა და თქვა, რომ მუსიკაში საზღვრები არ არსებობს და რომ ეროვნებას მნიშვნელობა არ აქვს. აღნიშნულის შემდეგ, მსმენელთა ნაწილმა დარბაზი დატოვა.

ავტორი: ექსპრესნიუსი,

სოციალური ქსელები

ერთმა პირმა ღამის კლუბის დაცვა დაჭრა, იგი დააკავეს

უკრაინამ სტავროპოლში ნავთობის საწყობს ერთი კვირის განმავლობაში მეორედ დაარტყა, ხოლო პორტ კავკაზის ცეცხლი გაუჩნდა

მოსკოვის რეგიონში დრონით განხორციელებული თავდასხმის შედეგად სამი ადამიანი დაიღუპა

Axios: გარდაცვალებამდე ლინდსი გრემმა განაცხადა, რომ რუსეთის წინააღმდეგ სანქციების დაწესებას აპირებდა