2023-08-15 11:42:02, 902 ნახვა
საზოგადოება
უზენაესი სასამართლოს ყოფილი თავმჯდომარე კონსტანტინე კუბლაშვილი გარდაიცვალა
ქართველი სამართალმცოდნე, საქართველოს უზენაესი სასამართლოს ყოფილი თავმჯდომარე კონსტანტინე კუბლაშვილი გარდაიცვალა. კუბლაშვილი 50 წლის იყო.
აღნიშნულის შესახებ ინფორმაციას კუბლაშვილის ოჯახის წევრები ადასტურებენ. ცნობილია, რომ ბოლო წლებში ჯანმრთელობის პრობლემა ჰქონდა.
2000–2002 წლებში იყო საქართველოს იუსტიციის მინისტრის პირველი მოადგილე, სამინისტროს საპარლამენტო მდივანი. 2005 წლის 23 თებერვლიდან იყო საქართველოს უზენაესი სასამართლოს თავმჯდომარე. 2015 წლის 23 თებერვალს უფლებამოსილება შეუწყდა ვადის გასვლის გამო.
იგი არის არაერთი სამეცნიერო შრომის, პუბლიკაციის, სახელმძღვანელოს ავტორი სახელმწიფოს ტერიტორიული მოწყობისა და ადამიანის ძირითადი უფლებების საკითხებზე.
ავტორი: ექსპრესნიუსი,
epn.ge (@expressnews.ge)
