15 ივლისს სასტუმრო „პულმან თბილისი აქსის თაუერსში“ "საქართველოს ფარმაცევტთა ასოციაციის" ყრილობა გაიმართა. 

"საქართველოს ფარმაცევტთა ასოციაციის" ცნობით, ყრილობას 400  ფარმაცევტი დელეგატი დაესწრო, თუმცა ფარმაცევტული დარგის მიმდინარე გამოწვევებისა და პრობლემების გამო, ყრილობის მიმდინარეობაში მონაწილეობის მსურველთა რიცხვი მნიშვნელოვნად გაიზარდა და 700-ს მიაღწია.

"ყრილობას დაესწრნენ ფარმაცევტული კომპანიების წარმომადგენელთა და ფარმაცევტული კომპანიების ასოციაციები, ფარმაცევტ სტუდენტთა და ევროპული ბიზნეს ასოციაცია, აჭარის ფარმაცევტთა ასოციაცია, თბილისის სახელმწიფო სამედიცინო უნივერსიტეტისა და ქუთაისის ა. წერეთლის უნივერსიტეტის ფარმაცევტული ფაკულტეტის, სამედიცინო უნივერსტიტეტის, ფარმაკო-ქიმიის ინსტიტუტის, კავკასიის საერთაშორისო უნივერსტიტეტის, საქართველოს უნივერსტიტეტის, პროფესიული უნარების განვითარების სააგენტო, ჯანდაცვის დარგობრივი ორგანიზაცია, კოლეჯ პანაცეას, კოლეჯ კავკასიონის აკადემიური პერსონალი.

ყრილობაზე ასევე მოწვეულნი იყვნენ ჯანდაცვის სამინისტროს და პარლამენტის ჯანდაცვის კომიტეტის წევრები, თუმცა ისინი ყრილობას არ დაესწრნენ. 

ყრილობაზე იმსჯელეს ფარმაცევტული დარგის და პროფესია ფარმაცევტის წინაშე არსებული გამოწვევებისა და პრობლემების შესახებ. 

ასოციაციის მოქმედმა პრეზიდენტმა, ლევან გოგიბერიძემ დელეგატებს და მოწვეულ სტუმრებს გავლილი პერიოდის განმავლობაში ასოციაციის საქმიანობა გააცნო; დამსწრეთა წინაშე ასევე წარსდგენ ახალი გამგეობის წევრობის კანდიდატები. 

"ფარმაცევტთა ასოციაციის" წესდების თანახმად, ახალი გამგეობის წევრების არჩევნები ფარული კენჭისყრით ჩატარდა. არჩეულმა გამგეობამ, თავის მხრივ პრეზიდენტად მეორე ვადით ლევან გოგიბერიძე აირჩია. 

ფრამაცევტის პროფესიის პოპულარიზაციის პრობლემებსა და პერსპექტივებზე ისაუბრეს თბილისის სახელმწიფო სამედიცინო უნივერსიტეტის ასოცირებულმა პროფესორმა, ფარმაცევტული ფაკულტეტის დეკანმა თამარ ჩიკვილაძემ; აჭარის ფარმაცევტთა ასოციაციის პრეზიდენტმა, ფარმაციის დოქტორმა ვლადიმერ მახარაძემ. ფარმაცევტის როლის შესახებ ევროპასა და აშშ-ში, თანამედროვე ფარმაციის გამოწვევები დღევანდელ მსოფლიოში ისაუბრეს თსუ-ს ფარმაცევტული ფაკულტეტის სტუდენტებმა გიორგი მგალობლიშვილმა და მარიამ გაგნიძემ.

ყრილობის დელეგატებს მიესალმა რესპუბლიკის დამსახურებული ფარმაცევტი ვახტანგ ქავთარაძე. 
ფარმაციის სამეცნიერო, აკადემიურ და დარგის განვითარებაში შეთანილი წვლილისთვის საქართველოს ფარმაცევტთა ასოციაციის 2023 წლის ჯილდო გადაეცათ საქართველოს მეცნიერებათა აკადემიის აკადემიკოსს, მეცნიერების დამსახურებულ მოღვაწეს, თბილისის საპატიო მოქალაქეს  პროფესორ ეთერ ქემერტელიძეს; თსუ-ს ფარმაცევტული ტექნოლოგიების დეპარტამენტის ხელმძღვანელს, პროფესორ ალიოშა ბაკურიძეს; საქართველოს ტერიტორიული მთლიანობისთვის დაღუპული ერთადერთი ფარმაცევტის თამაზ თათოშვილის სახელობის ჯილდო გადაეცა რესპუბლიკის დამსახურებულ ფარმაცევტს, საქართველოს ტერიტორიული მთლიანობისთვის ომის მონაწილეს, ვიცე-პილკოვნიკ ზურა ზარქუას. 

"საქართველოს ფარმაცევტთა ასოციაცია" დიდი ბრიტანეთის, აშშ, სამხრეთ კორეის ფარმაცევტულ ასოციაციებთან თანამშრომლობს. ყრილობის დასასრულს დელეგატებმს ვიდეო-ჩართვით მიესალმენ დიდი ბრიტანეთის ფარმაცევტული ასოციაციიდან.

საქართველოს ფარმაცევტთა ასოციაციის ყრილობამ დარგის წარმომადგენელთა დიდი ინტერესი გამოიწვია. მომდევნო, რიგით მეექსვე ყრილობა 1 წელიწადში გაიმართება",- ნათქვამია "საქართველოს ფარმაცევტთა ასოციაციის" მიერ გავრცელებულ ინფორმაციაში.

ავტორი: NS (სტატია დაფინანსებულია),

სოციალური ქსელები

რუსეთის უშიშროება: უკრაინის უსაფრთხოების სამსახური მოსკოვის ოლქში სტრატეგიულ ობიექტზე დრონებით მასშტაბურ თავდასხმას გეგმავდა

მარტა კოსი: დღეს ევროკავშირის გაფართოებისთვის „სუპერ სამშაბათია“ - ჩვენ მოლდოვასა და უკრაინასთან მე-6 კლასტერს ვხსნით

სუს: 9 რეგიონში ჩატარებული ღონისძიების შედეგად, დაკავებული და სისხლის სამართლის პასუხისგებაში მიცემულია 28 პირი

ფოთი - ჭადრაკის ქალაქი. საქართველოს ბანკი ფოთის საჭადრაკო კლუბის მთავარი მხარდამჭერია