არ ვიცი, ჩემკენ რატომ იშვერენ თითს - არავითარი კონტაქტი პოლონელ ექიმებთან არ მქონია,- ასე ეხმაურება მესამე პრეზიდენტის დედა გიული ალასანია სპეციალური პენიტენციური სამსახურის განცხადებას, რომლის მიხედვითაც, პოლონელი ექიმი მიხეილ სააკაშვილისგან აღებული ნიმუშის გატანას მალულად, ფეხსაცმლის მეშვეობით ცდილობდა.

ალასანია იმედოვნებს, რომ გაკეთდება შესაბამისი განმარტებები და ყველაფერი გაირკვევა.

"არავითარი კონტაქტი მე ამ ადამიანებთან არ მქონია, თუმცა ძალიან მადლობელი ვარ მათი, რომ ჩამოვიდნენ. დანარჩენი მე არაფერი არ ვიცი. ალბათ, გაკეთდება რაღაც კომენტარი იმიტომ, რომ გამომდინარე იმ ინტერესიდან, რომელიც არის ამ ადამიანის [მიხეილ სააკაშვილის] მიმართ დღეს, დასავლეთში ყოველ შემთხვევაში ძალიან დიდი ინტერესი აქვთ, ალბათ, ყველაფერი გაირკვევა, ასე დამალული ვერ დარჩება დიდხანს. ალბათ, მოვისმენთ კომენტარებს. იქითა მხარეც, ალბათ, თავის განმარტებას მოგვცემს. არ ვიცი, ჩემკენ რატომ იშვერენ თითს - მე არცერთ დონეზე არ ვყოფილვარ, ერთადერთი თანხმობას ვაძლევდი ხოლმე. მე რა გზით უნდა მიმეწოდებინა [ინფორმაცია] იმ ექიმებისთვის, მათთან კონტაქტი არცერთ დონეზე არ მქონია და როგორ უნდა განმემარტა მე? უნდა განემარტათ თვითონ იმათ, ვინც ჩამოიყვანა და ვინც ამ ხალხთან იყო კონტაქტში",- უთხრა ალასანიამ ჟურნალისტებს.

ცნობისთვის, გუშინ, 14 ივლისს სპეციალურმა  პენიტენციურმა სამსახურმა მესამე პრეზიდენტთან, მიხეილ სააკაშვილთან პოლონელი ექიმების ვიზიტთან დაკავშირებით განცხადება და ვიდეოკადრები გაავრცელა. განცხადების თანახმად, ვიზიტის განმავლობაში, ერთ-ერთი პოლონელი ექიმისგან ადგილი ჰქონდა "გაუგებარ ინციდენტს", კერძოდ მსჯავრდებულ მიხეილ სააკაშვილისგან აღებული ნიმუში პოლონელმა ექიმმა გადაახვია ქაღალდში და მის მალულად გატანას ფეხსაცმლის მეშვეობით ცდილობდა.

ავტორი: ექსპრესნიუსი,

სოციალური ქსელები

რუსეთის უშიშროება: უკრაინის უსაფრთხოების სამსახური მოსკოვის ოლქში სტრატეგიულ ობიექტზე დრონებით მასშტაბურ თავდასხმას გეგმავდა

მარტა კოსი: დღეს ევროკავშირის გაფართოებისთვის „სუპერ სამშაბათია“ - ჩვენ მოლდოვასა და უკრაინასთან მე-6 კლასტერს ვხსნით

სუს: 9 რეგიონში ჩატარებული ღონისძიების შედეგად, დაკავებული და სისხლის სამართლის პასუხისგებაში მიცემულია 28 პირი

ფოთი - ჭადრაკის ქალაქი. საქართველოს ბანკი ფოთის საჭადრაკო კლუბის მთავარი მხარდამჭერია