ისრაელის ძალებმა მდინარე იორდანეს დასავლეთ სანაპიროზე მდებარე ჯენინის ბანაკზე სამხედრო ოპერაციის განხორციელება დაიწყეს. აღნიშნულ ინფორმაციას BBC ავრცელებს. 

სამხედრო ოპერაციის ფარგლებში, წუხელ ჯენინის ერთ-ერთ ბინაზე დრონით თავდასხმა განხორციელდა. თელ-ავივში განმარტავენ, რომ აღნიშნული ბინა ჯენინის ბრიგადების სამეთაურო პუნქტად გამოიყენება.

პალესტინის ჯანდაცვის უწყების ოფიციალური პირები აცხადებენ, რომ დაღუპულია 5 და დაშავებულია 30 ადამიანი.

თავად ისრაელი კი ამბობს, რომ სულ მცირე, 7 მებრძოლი მოკლეს.

როგორც BBC წერს, მდინარე იორდანეს დასავლეთ სანაპიროზე ისრაელის სამხედრო ოპერაცია, ბოლო წლების განმავლობაში, ერთ-ერთი ყველაზე მასშტაბურია.

აღსანიშნავია, რომ 1950-იან წლებში მოწყობილ ჯენინის ბანაკში 14 000-მდე ადამიანი ცხოვრობს.

ავტორი: ექსპრესნიუსი,

სოციალური ქსელები

კობახიძე თელავის სტიქიაზე - ნებართვები არასწორად იყო გაცემული. ასე მიმაჩნია, თუმცა შევისწავლით

აქტივისტ ისაკო დევიძეს საპროცესო შეთანხმება გაუფორმდა - ის საპატიმროს 6 თვეში დატოვებს

14-16 ივლისს საქართველოში მოსალოდნელია მაღალი ტემპერატურის ფონზე დროგამოშვებით ნალექიანი ამინდი

კობახიძე - ქვეყანა იმართება ეფექტიანად, მათ შორის ეკონომიკური თვალსაზრისით