აჭარის მთავრობა სტიქიისა და ხანძრის შედეგად დაზარალებულ 215 ოჯახს 1 462 825  ლარს გამოუყოფს. აღნიშნულ ინფორმაციას აჭარის ჯანდაცვის სამინისტრო ავრცელებს.

უწყების ცნობით, თანხა ავტონომიური რესპუბლიკის ბიუჯეტის სარეზერვო ფონდიდან გაიცემა.

"დაზარალებული ოჯახების დახმარების საკითხი სტიქიური მოვლენების შედეგად მიყენებული ზარალის სალიკვიდაციო შერეული სამთავრობო კომისიის სხდომაზე განიხილეს. სხდომას აჭარის ჯანმრთელობისა და სოციალური დაცვის მინისტრი, ნინო ნიჟარაძე ხელმძღვანელობდა.

სხდომაზე წარმოდგენილი იყო აჭარის ექვსივე მუნიციპალიტეტიდან სხვადასხვა პერიოდში ხანძრითა და სტიქიით დაზარალებული ოჯახების დახმარების საკითხი. კერძოდ:

• ბათუმის მერიამ სხდომაზე წარმოადგინა ხანძრისა და ხანძრის ჩაქრობის მიზნით გამოყენებული წყლის ჭავლის შედეგად დაზარალებული 13 ოჯახის - ჯამში 154 460 ლარით დახმარების საკითხი, კომისიამ საკითხი დადებითად გადაწყვიტა.
• კომისიის გადაწყვეტილებით, ქობულეთის მუნიციპალიტეტში კომპენსაციას სტიქიის, ძლიერი ქარისა და დიდთოვლობის შედეგად დაზარალებული 138 ოჯახი მიიღებს, რისთვისაც სარეზერვო ფონდიდან 472 069 ლარი გამოიყოფა.
• დადებითი გადაწყვეტილება იქნა მიღებული ასევე ხელვაჩაურის მუნიციპალიტეტში სტიქიით დაზარალებული 15 ოჯახის- ჯამში  184 438 ლარით დახმარების საკითხი.
• ქედის მუნიციპალიტეტში დაზარალებული  16 ოჯახი, მთავრობის სარეზერვო ფონდიდან კომპენსაციის სახით 168 757 ლარს მიიღებს.
• კომისიამ იმსჯელა შუახევის მუნიციპალიტეტში ხანძრის, სტიქიის, გარემო პირობების შედეგად დაზარალებული და ეკომიგრანტი 31 ოჯახის დახმარების საკითხზე. 30 ოჯახი კომპენსაციის სახით ჯამში 423 101 ლარს მიიღებს, ხოლო 1 ოჯახის საკითხი მასალების დამატებით შესწავლის მზნით, განსახილველად მომდევნო სხდომისთვის გადაიდო.
• ხულოს მუნიციპალიტეტში ხანძრის შედეგად დაზარალებული 3 ოჯახის დახმარების საკითხთან დაკავშირებით კომისიამ ასევე დადებითი გადაწყვეტილება მიიღო, აღნიშნული მიმართულებით სარეზერვო ფონდიდან 60 000 ლარი გამოიყოფა.
• სამთავრობო კომისიის რეკომენდაცია აჭარის მთავრობის თავმჯდომარეს დასამტკიცებლად უახლოეს დღეებში გადაეგზავნება. მიმდინარე წელს.  
• მიმდინარე წელს, ამავე კომისიის გადაწყვეტილების რესპუბლიკური ბიუჯეტით გათვალისწინებული სარეზერვო ფონდიდან,  109 ოჯახზე უკვე  გამოიყოფილია 1 107 976 ლარი",- ნათქვამია აჭარის ჯანდაცვის სამინისტროს მიერ გავრცელებულ ინფორმაციაში.

ავტორი: NS (სტატია დაფინანსებულია),

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს