13 ივნისიდან ჩინეთის Bank of China  შეუზღუდა რუსული ბანკის კლიენტებს იუანის ევროკავშირში, შეერთებულ შტატებში, დიდ ბრიტანეთსა და შვეიცარიაში გადარიცხვის შესაძლებლობა. - ამის შესახებ RBC იუწყება.

ერთ-ერთი რუსული ბანკის წარმომადგენლის თქმით, ჩინეთის ბანკმა შეაჩერა სახსრების გადარიცხვა საკორესპონდენტო ანგარიშებით არა მხოლოდ იუანში, არამედ აშშ დოლარში, ევროში და ჰონგ კონგის დოლარებში. გამოცემის თანამოსაუბრის თქმით, შეზღუდვები მეორადი სანქციების რისკს უკავშირდება.

რუსეთის საბანკო სექტორის წარმომადგენლები თვლიან, რომ რუსების შეზღუდვის გადაწყვეტილება მიიღეს არა ჩინეთმა, არამედ შეერთებულმა შტატებმა და ევროკავშირის ქვეყნებმა რუსეთზე უკრაინაზე თავდასხმის შემდეგ დაწესებული შეზღუდვების ფონზე.

RBC-ის მიერ გამოკითხული ექსპერტები აღნიშნავენ, რომ ევროკავშირსა და აშშ-ში ჩინურ ვალუტაში გადარიცხვების წილი მცირეა იუანში გადარიცხვებში. ასეთი ოპერაციები შეიძლება გამოიყენონ კერძო ინვესტორებმა ან ბიზნესის წარმომადგენლებმა.

რუსეთის უკრაინაში შეჭრის შემდეგ, რუსეთის ეკონომიკა დაექვემდებარა უპრეცედენტო სანქციების ზეწოლას დასავლეთის ქვეყნების მხრიდან. ევროკავშირმა კერძო ბანკების მიმართ შეზღუდვები იმით ახსნა, რომ ისინი სახელმწიფოს „სოლიდურ შემოსავალს“ აძლევენ და მნიშვნელოვან როლს ასრულებენ ეკონომიკაში.

ავტორი: ექსპრესნიუსი,

სოციალური ქსელები

სტამბოლში სტენდაფ კომიკოსი ერდოღანზე ხუმრობის გამო დააკავეს

რუსეთის ბენზინგასამართ სადგურებზე რიგები ახლა კოსმოსიდანაც ჩანს

ნავთობგადამამუშავებელი ქარხნების დაბომბვებმა ნავთობისა და გაზის ბიუჯეტის შემოსავლები ტრილიონი რუბლით შეამცირა

ოკუპირებული ცხინვალის რეგიონის „საპრეზიდენტო“ არჩევნების ე.წ. ვადამდელი თარიღად 18 სექტემბერი დადგინდა