2023-06-16 10:38:25, 1462 ნახვა
რეგიონი
ქედის მერმა, როლანდ ბერიძემ მუნიციპალიტეტში მიმდინარე და დასრულებული ინფრასტრუქტურული სამუშაოები მოინახულა
ქედის მუნიციპალიტეტის მერმა როლანდ ბერიძემ, პირველ მოადგილესთან იმედა ვასაძესა და ცხმორისის ადმინისტრაციული ერთეულის წარმომადგენელთან ერთად, დასრულებული და მიმდინარე ინფრასტრუქტურული სამუშაოები მოინახულა.
ქედის მერიის ცნობით, დასრულდა სოფელ ახოში, საყრდენი კედლისა და საავტომობილო გზის ცემენტო-ბეტონის საფარის მოწყობის სამუშაოები.
"სამშენებლო სამუშაოებს ტენდერში გამარჯვებული ფირმა შპს "მთაგორი" ახორციელებდა, რომლის ღირებულებაა 197 409 ლარი.
სოფელ გეგელიძეებში საცხოვრებელ სახლთან მიმდინარეობს საყრდენი კედლის მოწყობის სამუშაოები, რომელსაც შპს "ლდ.გრუპი" 83 990 ლარით ახორციელებს.
აღნიშნული პროექტები შიდა სასოფლო-საუბნო გზების პროგრამის ფარგლებში ხორციელდება",- ნათქვამია მერიის ინფორმაციაში.
ავტორი: NS (სტატია დაფინანსებულია),
epn.ge (@expressnews.ge)
