სომხეთიდან რუსეთში ექსპორტი 2022 წელს წინა წელთან შედარებით, 187%-ით გაიზარდა.  ამის შესახებ,  სომხეთის პარლამენტში ფინანსთა მინისტრმა ვაჰე ხოჰანისიანმა განაცხადა.

„2021 წელთან შედარებით, 2022 წელს, რუსეთის ფედერაციაში ექსპორტის ზრდამ 187% შეადგინა“, - განაცხადა ხოჰანისიანმა.

მისი განმარტებით, უმეტესი ნაწილი რეექსპორტზე მოდის, ხოლო სომხური პროდუქციის ექსპორტმა ხელი შეუწყო მთლიანი მაჩვენებლის 47 პროცენტული პუნქტით ზრდას.

მანამდე სომხეთის სტატისტიკურმა კომიტეტმა განაცხადა, რომ 2022 წელს ქვეყნის საგარეო სავაჭრო ბრუნვამ, სტატისტიკის მიხედვით, 14,12 მილიარდ დოლარს მიაღწია, რაც 2021 წელთან შედარებით 68,6%-ით გაიზარდა. ექსპორტმა 5,36 მლრდ დოლარზე მეტი შეადგინა (ზრდა 77,7%), იმპორტი - 8,76 მლრდ-ზე მეტი (ზრდა 63,5%).

2023 წლის მაისში ევროკომისარმა ეკონომიკის საკითხებში, პაოლო ჯენტილონიმ განაცხადა, რომ რუსეთი სანქცირებულ საქონელს მეზობლების მეშვეობით იღებს. „შავი სიიდან“ საქონლის რეექსპორტის ქვეყნებს შორის მან სომხეთი, ყაზახეთი და ყირგიზეთი დაასახელა. ჯენტილონიმ განმარტა, რომ ევროკავშირიდან ამ ქვეყნებში საქონლის იმპორტი რუსეთში ექსპორტთან შედარებით გაიზარდა.

მანამდე გამოცემა "კომერსანტი" იტყობინებოდა, რომ რუსულ იურიდიულ პირებს საზღვარგარეთიდან საქონლის გადახდის პრობლემა ჰქონდათ. გაზეთის ცნობით, სომხეთის, ჰონგ კონგისა და ყაზახეთის ბანკებმა მეორადი სანქციების შიშის გამო სერვერების, ჩიპების, პროცესორების და სხვა ელექტრონიკის გადახდების დაბლოკვა დაიწყეს.

ავტორი: ექსპრესნიუსი,

სოციალური ქსელები

პუტინი ცხინვალის მარიონეტ კამბოლოვს: ველოდები, რომ გაგლოევის „განვითარებულ მოვლენებს“ გამოიყენებთ

მასშტაბური კორუფციის გამო მერიამ „რიყის დოქების“ დანგრევა გადაწყვიტა - აბესაძე

რუსეთში, ბენზინის დეფიციტის გამო, საავადმყოფოებისთვის, სახანძრო სამსახურებისთვის და საზოგადოებრივი კომუნალური კომპანიებისთვის საწვავის შესყიდვა შეფერხდა

აშშ-ის სახელმწიფო მდივანი მარკო რუბიო ვენესუელას ფაქტობრივი მმართველი გახდა -The New York Times