იქ იყო 45 ლიდერი, აქედან შეიძლება 5-მა, 6-მა ნახა ზელენსკი, მაქსიმუმ 10-მა,- ამის შესახებ საქართველოს პრემიერ-მინისტრმა, ირაკლი ღარიბაშვილმა მოლდოვაში გამართულ ევროპის პოლიტიკურ ფორუმთან დაკავშირებით განაცხადა.

როგორც მთავრობის მეთაურმა ჟურნალისტებს უთხრა, უკრაინის პრეზიდენტთან "ხელის ჩამოსართმევად რიგი არ ყოფილა"

"ძალიან მარტივად იყო საუბარი. თქვენ რომ გიყურებთ, ძალიან სასაცილოა ეს ყველაფერი, რაც ხდება მედიაში და დეგრადირებულ ოპოზიციაში. არაფერი არ ხდებოდა იქ განსაკუთრებული, იქ იყო 45 ლიდერი, აქედან შეიძლება 5-მა ან 6-მა ნახა ზელენსკი, 10-მა მაქსიმუმ და ეს იყო, იქ რიგი არ ყოფილა ხელის ჩამოსართმევად",- განაცხადა ღარიბაშვილმა.

კითხვას, რას იზამდა ვოლოდიმირ ზელენსკისთან გასაუბრების შესაძლებლობა რომ ჰქონოდა, პრემიერმა უპასუხა, რომ "ჩვეულებრივად მიესალმებოდა".

შეგახსენებთ, მოლდოვის დედაქალაქ კიშინოვში ევროპის პოლიტიკური ფორუმი 1-ელ ივნისს გაიმართა. ფორუმში სხვადასხვა ქვეყნების ლიდერებთან ერთად, საქართველოს პრემიერ-მინისტრი ირაკლი ღარიბაშვილი და უკრაინის პრეზიდენტი ვოლოდიმირ ზელენსკი მონაწილეობდნენ. 

ავტორი: ექსპრესნიუსი,

სოციალური ქსელები

წილოსანი ტიტუშკების დაორგანიზებაზე - მოძრაობას საჯაროდ აქვს დაანონსებული, რომ მყისიერი რეაგირება ექნებათ, ამიტომ ყველამ გააკონტროლოს თავი

იურისტი - იდეოლოგიური ნიშნით ადამიანების დევნის მიზნის მქონე ორგანიზაციის შექმნა ხელისუფლებასთან დაახლოებული პირთა ჯგუფის მიერ არის არამხოლოდ მძიმე სამართლებრივი, არამედ, პოლიტიკური განაცხადიც

ევროკავშირმა შესაძლოა რუსეთის წინააღმდეგ მასშტაბური სანქციების დაწესებაზე უარი თქვას

სოფელ პერევის მიმდებარედ რუსი ოკუპანტების მიერ გატაცებული მოქალაქე თავისუფალია – სუს