გამორჩეული სიტყვით გამოსვლა ჰქონდა, ძალიან მკაფიო იყო უკრაინასთან, უკრაინელი ხალხის მიმართ სოლიდარობასთან, ევროპულ გზასა და საქართველოს ევროატლანტიკურ ინტეგრაციასთან დაკავშირებით, - ასე შეაფასა ევროპარლამენტარმა მაიკლ გალერმა საქართველოს პრეზიდენტის, სალომე ზურაბიშვილის ევროპარლამენტში გამოსვლა.

როგორც გალერმა აღნიშნა, ევროპარლამენტი ისურვებდა, რომ პრეზიდენტმა გამოიყენოს თავისი ბერკეტი და გაათავისუფლოს "მთავარი არხის" გენერალური დირექტორი, ნიკა გვარამია, ვინაიდან მას ბრალი არაფერში მიუძღვის და ამასთან ერთად, საქართველოს მესამე პრეზიდენტი მიხეილ სააკაშვილი, რომელიც მძიმე ჯანმრთელობის მდგომარეობაშია. 

„პრეზიდენტმა ფეხზე წამოდგომით ტაში დაიმსახურა და ვფიქრობ, იყო თამამი სიტყვა, მთავრობის ამჟამინდელი პოლიტიკისა და იმ ეჭვების გათვალისწინებით, რომლებიც ამ პოლიტიკის გამო წარმოიშვა. ის ძალიან მკაფიო იყო უკრაინასთან, უკრაინელი ხალხის მიმართ სოლიდარობაზე, ძალიან მკაფიო იყო ევროპულ გზასა და საქართველოს ევროატლანტიკურ ინტეგრაციასთან დაკავშირებით. მან ასევე აღნიშნა, რომ გასაკეთებელი ჯერ კიდევ ბევრია, მაგრამ ასევე ძალიან მკაფიო იყო კანდიდატის სტატუსის მინიჭებასთან დაკავშირებით. საქართველო ჩვენს ფიქრებშია და მოვითხოვთ, შესრულდეს 12 პირობა. ეს არის ამოცანა მთავრობისთვის, მმართველი პარტიისთვის, რომ აღასრულონ ხალხის ნება“, - განაცხადა მაიკლ გალერმა.

შეგახსენებთ, დღეს ბრიუსელში საქართველოს პრეზიდენტმა ევროპარლამენტს სიტყვით მიმართა. მანამდე კი ევროპული საბჭოს, ევროკომისიისა და ევროპარლამენტის პრეზიდენტებს შეხვდა.

ავტორი: ექსპრესნიუსი,

სოციალური ქსელები

წილოსანი ტიტუშკების დაორგანიზებაზე - მოძრაობას საჯაროდ აქვს დაანონსებული, რომ მყისიერი რეაგირება ექნებათ, ამიტომ ყველამ გააკონტროლოს თავი

იურისტი - იდეოლოგიური ნიშნით ადამიანების დევნის მიზნის მქონე ორგანიზაციის შექმნა ხელისუფლებასთან დაახლოებული პირთა ჯგუფის მიერ არის არამხოლოდ მძიმე სამართლებრივი, არამედ, პოლიტიკური განაცხადიც

ევროკავშირმა შესაძლოა რუსეთის წინააღმდეგ მასშტაბური სანქციების დაწესებაზე უარი თქვას

სოფელ პერევის მიმდებარედ რუსი ოკუპანტების მიერ გატაცებული მოქალაქე თავისუფალია – სუს