პრემიერ-მინისტრმა ილაპარაკა სრული სიმართლე - ახლი რა გაიგონეთ?! - ასე გამოეხმაურა შინაგან საქმეთა მინისტრი ვახტანგ გომელაური საქართველოს პრემიერ-მინისტრის, ირაკლი ღარიბაშვილის ბრატისლავაში, გლობალური უსაფრთხოების ფორუმის (GLOBSEC) თემატურ დისკუსიაში მონაწილეობისას გაკეთებულ განცხადებებს.

როგორც გომელაურმა მედიის წარმომადგენლებთან საუბრისას აღნიშნა, ის, რაც ღარიბაშვილმა რუსეთ-უკრაინის ომსა და ნატო-სთან დაკავშირებით თქვა, მსოფლიო ლიდრებს, მათ შორის ვოლოდიმირ ზელენსკის არაერთხელ აღუნიშნავთ.

"ვუსმინე, რა თქმა უნდა, პრემიერ-მინისტრს, ილაპარაკა სრული სიმართლე, ეს ახალი არა იყო, მე მგონი, პირველად არ გაუჟღერებიათ, ბატონი ზელენსკიც იძახდა მაგას, რომ ნატო-ს გამო, ჩვენ ვიომებთ, არ დავიხევთ უკან. ვითომ პირველად თქვა ირაკლი ღარიბაშვილმა, ვითომ - ისე შეფუთეს, სამწუხაროდ. ეს არაერთხელ უთქვამთ მსოფლიო ლიდერებს და ეს გაიმეორა ბატონმა პრემიერმა და სიმართლე თქვა. ახლი რა გაიგონეთ?! ჭიანჭველისგან სპილოს შექმნას ცდილობს ხოლმე ოპოზიცია და სამწუხაროდ, ოპოზიციური არხებიც",- განაცხადა ვახტანგ გომელაურმა.

შეგახსენებთ, საქართველოს პრემიერ-მინისტრმა, ირაკლი ღარიბაშვილმა ბრატისლავაში, გლობალური უსაფრთხოების ფორუმის (GLOBSEC) ფარგლებში, თემატურ დისკუსიაში მონაწილეობა გუშინ, 30 მაისს მიიღო. მთავრობის მეთაურმა დისკუსიის დროს განაცხადა, რომ ომის დაწყების ერთ-ერთი მიზეზი იყო უკრაინის განზრახვა, გამხდარიყო NATO-ს წევრი.

ავტორი: ექსპრესნიუსი,

სოციალური ქსელები

წილოსანი ტიტუშკების დაორგანიზებაზე - მოძრაობას საჯაროდ აქვს დაანონსებული, რომ მყისიერი რეაგირება ექნებათ, ამიტომ ყველამ გააკონტროლოს თავი

იურისტი - იდეოლოგიური ნიშნით ადამიანების დევნის მიზნის მქონე ორგანიზაციის შექმნა ხელისუფლებასთან დაახლოებული პირთა ჯგუფის მიერ არის არამხოლოდ მძიმე სამართლებრივი, არამედ, პოლიტიკური განაცხადიც

ევროკავშირმა შესაძლოა რუსეთის წინააღმდეგ მასშტაბური სანქციების დაწესებაზე უარი თქვას

სოფელ პერევის მიმდებარედ რუსი ოკუპანტების მიერ გატაცებული მოქალაქე თავისუფალია – სუს