ალბათ, ვერ გაიცნეს საქართველოს პრეზიდენტი კიდევ,- ასე ეხმაურება პრეზიდენტის საპარლამენტო მდივანი გიორგი მსხილაძე სალომე ზურაბიშვილთან დაკავშირებით "ქართული ოცნების" პოლიტიკური საბჭოს დღევანდელ განცხადებას.

როგორც მხილაძემ ჟურნალისტებთან საუბრისას განაცხადა, "პრეზიდენტი რასაც, როცა და როგორც ჩათვლის საჭიროდ, იმას გააკეთებს".

"არ მგონია, რომ ეს გაფრთხილება ყოფილიყო. ეს, ალბათ, უფრო იყო იმის გადაფარვის მცდელობა, რაც 26  მაისს ჩაიდინეს და გამოიჩინეს - უპატივცემულობა პრეზიდენტის მიმართ... მე დარწმუნებული ვარ, რომ საქართველოს პრეზიდენტი ყველაფერს გააკეთებს იმისთვის, რომ ქვეყანა გაიყვანოს სამშვიდობოზე. უბრალოდ "ქართული ოცნება" ვერ იღებს პრეზიდენტის კრიტიკას... განცხადებაში იყო, რომ საზოგადოების გარკვეული ნაწილისგან დაიცავს პრეზიდენტს "ქართული ოცნება". მე შემიძლია ერთი რამ გითხრათ, რომ პრეზიდენტი საზოგადოებას არ ყოფს",- თქვა მსხილაძემ.

კითხვას, მმართველ პოლიტიკურ გუნდს ხომ არ აღიზიანებს სალომე ზურაბიშვილის დამოუკიდებლობა, საპარლამენტო მდივანი ასე პასუხობს:

"შეიძლება... პრეზიდენტი რასაც, როცა და როგორც ჩათვლის საჭიროდ, იმას გააკეთებს საზოგადოების საკეთილდღეოდ".

ცნობისთვის, დღეს, 29 მაისს "ქართული ოცნების" პოლიტიკურმა საბჭომ პრეზიდენტ სალომე ზურაბიშვილთან დაკავშირებით საგანგებო განცხადება გაავრცელა. 

"უნდა დავიცვათ პრეზიდენტის ინსტიტუტი მაშინაც კი, როდესაც მას თავად მოქმედი პრეზიდენტი უქმნის საფრთხეს",- ნათქვამია პოლიტსაბჭოს განცხადებაში.

ავტორი: ექსპრესნიუსი,

სოციალური ქსელები

წილოსანი ტიტუშკების დაორგანიზებაზე - მოძრაობას საჯაროდ აქვს დაანონსებული, რომ მყისიერი რეაგირება ექნებათ, ამიტომ ყველამ გააკონტროლოს თავი

იურისტი - იდეოლოგიური ნიშნით ადამიანების დევნის მიზნის მქონე ორგანიზაციის შექმნა ხელისუფლებასთან დაახლოებული პირთა ჯგუფის მიერ არის არამხოლოდ მძიმე სამართლებრივი, არამედ, პოლიტიკური განაცხადიც

ევროკავშირმა შესაძლოა რუსეთის წინააღმდეგ მასშტაბური სანქციების დაწესებაზე უარი თქვას

სოფელ პერევის მიმდებარედ რუსი ოკუპანტების მიერ გატაცებული მოქალაქე თავისუფალია – სუს