2023-05-09 19:19:43, 1064 ნახვა
მსოფლიო
პაკისტანის ყოფილი პრემიერ-მინისტრი იმრან ხანი კორუფციის ბრალდებით დააკავეს [ვიდეო]
პაკისტანის ყოფილი პრემიერ-მინისტრი იმრან ხანი კორუფციის ბრალდებით დააკავეს. ამის შესახებ ინფორმაციას BBC ავრცელებს.
მედიის ცნობით, იმრან ხანი დედაქალაქ ისლამაბადში, სასამართლოს შენობაში შესვლის შემდეგ დააკავეს.
დაკავებული ყოფილი პრემიერ-მინისტრი ბრალს არ აღიარებს და საქმეს პოლიტიკურად მოტივირებულს უწოდებს.
შეგახსენებთ, იმრან ხანი პაკისტანის პრემიერ-მინისტრად 2018 წელს აირჩიეს, ის პრემიერ-მინისტრის პოსტიდან გასული წლის აპრილში გადააყენეს, რის შემდეგაც ის ქვეყნის ხელისუფლებისა და არმიის აქტიური კრიტიკოსი გახდა, ამასთან ერთად ის რიგგარეშე არჩევნებისთვის კამპანიას აქტიურად აწარმოებდა.
ავტორი: ექსპრესნიუსი,
epn.ge (@expressnews.ge)
