ვითხოვ პასუხს ვინ და რატომ მომიკლა შვილი,- ამის შესახებ სოციალურ ქსელში ნიკო კვარაცხელიას დედა იზო ომიაძე წერს.

ომიაძის თქმით, "ორი სულგაყიდული ახალგზარდის დაპატიმრება  ნიკო კვარაცხელიას მკვლელობაზე პასუხი არ არის".

"მეგობრებო, უბრალოდ სრულიად უცხო ადამიანებო, ჩემი ტრაგედიის გამზიარებლებო, დამიბრუნდა ჩემი შვილის მაჯის საათი სისხლიანი ლაქებით( ჩემს ემოციებზე რა მოგიყვეთ). ამას რომ შემიცოდოთ იმისთვის არ ვწერ, მოგმართავთ იმისთვის, რომ ერთად შევიცოდოთ ჩვენი შვილები, ევროპის ნაწილი კი არა, მალე რუკაზე არ დავრჩებით როგორც ქვეყანა. ყველამ იცის, რომ მე არანაირი პოლიტიკური მხარე არ ვარ, საკმარისად დაზარალდა ჩემი ოჯახი ყველა დროში, მაგრამ ახლა შვილის ფაშისტურ დახვრეტაზეა საუბარი, რომელიც აგერ უკვე წელიწადი და რვა თვეა არ გამოუძიებიათ. ორი სულგაყიდული ახალგზარდის დაპატიმრება არ არის პასუხი ნიკო კვარაცხელიას მკვლელობაზე, ჩემი შვილი არის პირველი ქართული სოციალური მედია პლატფორმის "ფიდსის" შემქმნელი, ახალგაზრდა ბიზნესმენი, ვითხოვ პასუხს ვინ და რატომ მომიკლა შვილი…

საკმარისი დრო გავიდა მტკიცებულებების მოსაპოვებლად, დასაკითხად, დააყენეთ შედეგი!! მცირეწლოვანი შვილების დედას ნუ გამომიყვანთ ქუჩაში!!! მზად ვარ, თვითეული ახალგაზრდის სახლის კართან მივიდე გასისხლული საათით და არგუმენტირებულად ავუხსნა, რომ იგივე ბედი ელით, სანამ თითოეული მოქალაქის უფლება არ იქნება დაცული,- წერს იზო ომიძე.

შეგახსენებთ, რომ 2021 წლის 15 სექტემბერს, თბილისში, ანჯაფარიძის ქუჩაზე, 22 წლის ნიკო კვარაცხელია ცეცხლსასროლი იარაღიდან 10-ზე მეტი გასროლით მოკლეს. 

ამასთან, 2022 წლის 2 ოქტომბერს, თბილისის საქალაქო სასამართლომ ნიკო კვარაცხელიას მკვლელობის საქმეზე დავით და გურამ კაკულიებს 9-9 წლიანი პატიმრობა შეუფარდა.

ძმები კაკულიები სამართალდამცველებმა გასული წლის 30 მაისს ორთაჭალაში დააკავეს. პროკურატურამ დაკავებულებს ბრალი რამდენიმე მუხლით წაუყენა. კერძოდ, მათ ბრალად ედებათ განზრახ მკვლელობის მცდელობა, საზღვრის უკანონო კვეთა და იარაღის უკანონო შეძენა-შენახვა-ტარება.

ავტორი: ექსპრესნიუსი,

სოციალური ქსელები

მაკა ბოჭორიშვილი მარკო რუბიოს მიწვევით ვაშინგტონში მინისტერიალში მიიღებს მონაწილეობას

პირს, რომელიც გორში დედა-შვილს დაეჯახა, პატიმრობა შეეფარდა

ენერგეტიკული კოლაფსი რუსეთში: უკრაინული დარტყმების ფონზე ,,გაზპრომმა” მუშაობა შეწყვიტა

ნაუსედა: ჩვენ გვაქვს სადაზვერვო ინფორმაცია, რომ რუსეთი ლიეტუვის ინფრასტრუქტურაზე თავდასხმებს გეგმავს