ბელორუსის პრეზიდენტობის ყოფილი კანდიდატი ვიქტარ ბაბარიკო, რომელიც ქრთამის აღების და ფულის გათეთრების სისხლის სამართლის საქმეზეა პატიმრობაში, ნოვოპოლოცკის საავადმყოფოში მოათავსეს. - ამის შესახებ, პოლიტიკოსის შტაბ-ბინა ტელეგრამის არხზე იტყობინება.

"Მმეგობრებო გუშინ გავრცელდა ჭორები, რომ ვიქტორ ბაბარიკო ნოვოპოლოცკის საავადმყოფოშია. ჩვენ შევძელით ამ ინფორმაციის დადასტურება. სამწუხაროდ, სხვა დეტალები ჯერჯერობით უცნობია“, - წერენ ბაბარიკოს შტაბში.

წინა ღამეს ოპოზიციის ლიდერმა სვიატლანა ტიხანოვსკაიამ განაცხადა, რომ ბაბარიკო ცემის ნიშნებით საავადმყოფოში გადაიყვანეს. მან მოითხოვა, რომ მის ოჯახს და ადვოკატებს მიეცათ მისი ნახვის უფლება, ასევე „აჩვენონ, რა მდგომარეობაშია იგი“.

რაბოჩი რუხის ტელეგრამის არხის თანახმად, რომელმაც ერთ-ერთმა პირველმა გაავრცელა ინფორმაცია ბაბარიკოს ჰოსპიტალიზაციის შესახებ, პოლიტიკოსი ქირურგიულ განყოფილებაში იმყოფება საშუალო სიმძიმის მდგომარეობაში.

2021 წლის ზაფხულში ბაბარიკოს 14 წლით თავისუფლების აღკვეთა მიესაჯა. მას ბრალად ედებოდა დანაშაულებრივი შემოსავლის გათეთრება და განსაკუთრებით დიდი ოდენობით ქრთამის აღება. ბაბარიოს დაცვის მხარე მის საქმეს პოლიტიკურ საქმეს უწოდებს.

ავტორი: ექსპრესნიუსი,

სოციალური ქსელები

აშშ-ში თავშესაფრის მისაღებად ყალბ ისტორიებს ქმნიდნენ – პროკურატურამ ბრალდება 4 პირს წარუდგინა

კალაძე: "დიფსთეითი" თანამედროვე მსოფლიოსთვის უდიდესი პრობლემაა

გაზსადენზე მომხდარი ავარიის გამო დიღომში, დიდ დიღომსა და გლდანის რაიონში 4600 აბონენტს გაზის მიწოდება შეუწყდა

მერიამ ე.წ. დეზერტირების ბაზრის მიმდებარედ გარემოვაჭრეების დახლები აიღო