საფრანგეთი მზადაა უკრაინას 2 მილიარდი ევროს ოდენობის ფინანსური დახმარება გამოუყოს,- აღნიშნულის შესახებ უკრაინის პრემიერ-მინისტრი დენის შმიგალი Twitter-ზე წერს.

შმიგალის თქმით, თანხის ნაწილი უკრაინის აღდგენას მოხმარდება.

"საფრანგეთის ეკონომიკის მინისტრთან, ბრუნო ლე მაირთან მქონდა საუბარი SpringMeetings2023-ის ფარგლებში. საფრანგეთი მზადაა გრძელვადიანი პროგრამის ფარგლებში უკრაინას 2 მილიარდი ევრო გამოუყოს. თანხის ნაწილი ქვეყნის აღდგენას მოხმარდება",- წერს შმიგალი.

ცნობისთვის, 13 აპრილს ცნობილი გახდა, რომ უკრაინა 2023 წლის განმავლობაში იაპონიისგან 3,5 მილიარდ დოლარს მიიღებს. აღნიშნული თანხები განკუთვნილია ჰუმანიტარული და სოციალური ხარჯების დასაფინანსებლად. 

გარდა ამისა, უკრაინისთვის გრძელვადიანი ფინანსური დახმარების გაწევისთვის ასევე მზადაა შვეიცარიაც. საუბარია 1,7 მილიარდი დოლარის მიწოდებაზე, რომელიც მას 2028 წლამდე უნდა გადაეცეს.

ამასთან, ამერიკის სახელმწიფო მდივნის მოადგილის, ვიქტორია ნულანდის განცხადებით, აშშ განიხილავს, რომ გაყინული რუსული აქტივები უკრაინის უნფრასტრუქტურის აღსადგენად გამოიყენოს.

ავტორი: ექსპრესნიუსი,

სოციალური ქსელები

უპასუხისმგებლო და უნიჭო ცინიზმი - კირცხალიას გახარიას გუნდში უპასუხეს

ირაკლი კირცხალია - სენეგალში, დეპუტატმა ფეხმძიმე კოლეგას ჩაარტყა ფეხი - ბატონმა გიგა ფარულავამ წარმოადგინოს ორსულობის შესახებ ცნობა

Sky: პრინც ჰარის ბუკინგემის სასახლეში დარჩენის შესაძლებლობა ჩამოერთვა

ბაზისბანკის და საბვეის გემრიელი, ჯანსაღი და საიმედო პარტნიორობა