ჩინეთი მილიარდობით დოლარს ხარჯავს პრორუსულ დეზინფორმაციაზე, მათ შორის უკრაინის წინააღმდეგ, - ამის შესახებ აშშ-ის სახელმწიფო დეპარტამენტის გლობალური ჩართულობის ცენტრის კოორდინატორმა, ჯეიმს რუბინმა განაცხადა.

მისი თქმით, დასავლეთი ნელ-ნელა უპასუხებს ჩინეთს, რომელიც მილიარდობით დოლარს ხარჯავს მთელ მსოფლიოში „შხამიანი“ დეზინფორმაციის გასავრცელებლად, რომელიც სრულად შეესაბამება რუსეთის რიტორიკას უკრაინის შესახებ.

"ჭა მოწამლულია ჩინური და რუსული დეზინფორმაციით - ეს საზიანოა", - თქვა რუბინმა.

კოორდინატორმა აღნიშნა, რომ პეკინი მუშაობს გლობალურად და უფრო მეტ ფულს ხარჯავს დეზინფორმაციაზე, ვიდრე მოსკოვი. ჩინეთი იმეორებს და ავრცელებს რუსეთის თეზისებს „ნატო-ს მიერ გაჩაღებული ომის შესახებ“. 

ცნობისთვის, ჩინეთის ხელისუფლებამ უკრაინაში რუსეთის შეჭრიდან ერთი წლისთავზე "ჩინეთის პოზიცია უკრაინის კრიზისის მოგვარების შესახებ" გამოაქვეყნა. საგარეო საქმეთა სამინისტროს გეგმა 12 პუნქტს მოიცავს. 

პრესრელიზში, ჩინეთმა მხარეებს მოუწოდა "გამოეჩინათ თავშეკავება" და შეეწყვიტათ ცეცხლი, თუმცა არ უხსენებია რუსეთის ფედერაცია, როგორც აგრესორი, რომელმაც დაიწყო სრულმასშტაბიანი ომი.

პეკინის პოზიციას მხარი დაუჭირა ყაზახეთის ხელისუფლებამ და უნგრეთის პრემიერ-მინისტრმა, ვიქტორ ორბანმა.

ავტორი: ექსპრესნიუსი,

სოციალური ქსელები

ტრამპი: ერაყში მეტი ჯარისკაცი არ გვჭირდება

ზელენსკი: თუ პუტინი უკრაინაში წარმატებას მიაღწევს, ახალი ქვეყნების დაპყრობას შეეცდება

ტრამპი: რუსეთის წინააღმდეგ სანქციების კანონპროექტს შესაძლოა ირანი და ჰეზბოლა დაემატოს

რუსეთმა განაცხადა, რომ საქართველო სატვირთო მანქანების გავლას ზემო ლარსის საკონტროლო-გამშვებ პუნქტზე ბლოკავს