საქართველოს პრეზიდენტი სალომე ზურაბიშვილი თბილისში, ეროვნულ გალერეასთან გამართულ აქციას ეხმაურება. 

როგორც პრეზიდენტი სოციალურ ქსელში წერს, ის, რაც მხატვარ სანდრო სულაბერიძესთან დაკავშირებით ხდება, "თანამედროვე საქართველოს ნამდვილად არცხვენს".

"20 პოლიციის მანქანა ცისფერი გალერიის უკანა ეზოში - მხატვარი ესოდენ საფრთხეს უქმნიდეს სახელმწიფოს????

ცოტა არ იყოს სხვა ეპოქას გვახსენებს და თანამედროვე საქართველოს კი ნამდვილად არცხვენს!" - წერს ზურაბიშვილი "ფეისბუქის" გვეერდზე.

ცნობისთვის, თბილისში, ეროვნულ გალერეასთან სახელწოდებით - "ხელოვნება ცოცხალი და დამოუკიდებელია" აქცია გაიმართა. აქციაზე შეკრებილმა ხელოვნების სფეროს წარმომადგენლებმა მხატვარ სანდრო სულაბერიძეს მხარდაჭერა გამოუცხადეს და მის წინააღმდეგ სისხლის სამართლის საქმის აღძვრა გააპროტესტეს.

საქმე ეხება 4 თებერვალს მომხდარ ფაქტს, რომლის დროსაც გამოფენის „ავტოპორტრეტი სარკესთან“ მონაწილემ, სანდრო სულაბერიძემ ეროვნულ გალერეაში საკუთარი ნამუშევარი ჩამოხსნა და მის ადგილას საღებავით კედელზე ფრაზა - „ხელოვნება ცოცხალი და დამოუკიდებელია!“ დაწერა. აღნიშნულთან დაკავშირებით, შსს-მ გამოძიება დაიწყო 177-ე მუხლის, მეორე ნაწილის ა ქვეპუნქტით, რაც გულისხმობს ქურდობას, რომელმაც მნიშვნელოვანი ზიანი გამოიწვია.

ავტორი: ექსპრესნიუსი,

სოციალური ქსელები

უკრაინამ ლიპეცკის საწარმო ზონა დაბომბა, ლენინგრადში კი ინდუსტრიულ პარკს დაარტყა

ივლისში ირანის მიერ განხორციელებული თავდასხმების შედეგად დაახლოებით 100 ამერიკელი ჯარისკაცი დაშავდა

აშშ-მ ირანზე ახალი დარტყმები განახორციელა.

დიდი ბრიტანეთის ახალმა პრემიერ-მინისტრმა ენდი ბერნჰემმა თავისი გუნდი წარადგინა