ჩემი პოზიცია არის, რომ ჩვენ უნდა შევქმნათ წინააღმდეგობის მოძრაობა ყველგან, - ამის შესახებ "ნაციონალური მოძრაობის" წევრმა, ანა წითლიძემ განაცხადა.

მისივე თქმით, ის გადაწყვეტილება, რაც მოსამართლე გიორგი არევაძემ მიიღო ბიძინა ივანიშვილს არ შერჩება და არ მისცემენ მას უფლებას, რომ პრეზიდენტი სააკაშვილი ციხეში მოკლას.

"ახალი თავმჯდომარისგან მოვისმენთ როგორ უნდა გაგრძელდეს ჩვენი ბრძოლა. ჩემი პოზიცია არის, რომ ჩვენ უნდა შევქმნათ წინააღმდეგობის მოძრაობა ყველგან. ყველგან უნდა იგრძნოს ბიძინა ივანიშვილმა, რომ ის გადაწყვეტილება, რაც მიიღო მოსამართლემ, ეს არის ის, რაც მას არ შერჩება მშვიდად და არ მივცემთ იმის შესაძლებლობას, რომ პრეზიდენტი სააკაშვილი ციხეში მოკლას", - განაცხადა წითლიძემ.

შეგახსენებთ, მოსამართლე გიორგი არევაძემ მიხეილ სააკაშვილის სასჯელის გადავადების ან გათავისუფლების საქმეზე დაცვის მხარის მოთხოვნა არ დააკმაყოფილა და საქართველოს მესამე პრეზიდენტი პატიმრობაში დატოვა.

ნაციონალური მოძრაობის წევრები კი პარტიის ოფისში იკრიბებიან.

ავტორი: ექსპრესნიუსი,

სოციალური ქსელები

საქართველოს რეგიონული განვითარების სამინისტრო სექტემბერში გაუქმდება

შეიქმნება რეგიონული პოლიტიკის საკითხებში სახელმწიფო მინისტრის თანამდებობა, რომელსაც მამუკა მდინარაძე დაიკავებს

იან კელი და დევიდ კრამერი: აშშ-მა და ევროკავშირმა „ქართულ ოცნებაზე“ ზეწოლა უნდა გააძლიერონ

PHR: სააპელაციომ დააკმაყოფილა ბექა შონიასთვის სამედიცინო მომსახურების შინ მიღების მოთხოვნა