კომპანია „გრინსერვის პლუსის“, რომლის ხელმძღვანელი და თანამშრომლები ვაკის პარკის ტრაგედიის საქმეზე არიან დაკავებული, თბილისის მერიის ტენდერი მოიგო.

ტენდერის პირობების მიხედვით, „გრინსერვის პლუსი“ თბილისის მასშტაბით კეთილმოწყობისა და დაზიანებული ინფრასტრუქტურული ობიექტების აღდგენის სამუშაოებს ჩაატარებს.

მერიამ 3,5-მილიონიანი ტენდერი გამოაცხადა, კომპანიამ კი მას 3,1 მილიიონი ლარი შესთავაზა. ამ ჟამად კი კომპანიასთან ხელშეკრულების მომზადება მიმდინარეობს.

აღსანიშნავია, რომ „გრინსერვის პლუსი“ ტენდერში ერთადერთი მონაწილე იყო.

შეგახსენებთ, ვაკის პარკში მომხდარი ტრაგედიის საქმეზე, პოლიციამ მოსამართლის განჩინების საფუძველზე 9 პირი დააკავა, მათ შორის არიან კომპანია „გრინსერვის პლუსის“ ხელმძღვანელი ლაშა ფურცხვანიძე და თბილისის მერიის გარემოს დაცვის სამსახურის უფროსის მოადგილე გიორგი ვახტანგაშვილი.

მათ აღკვეთის სახით, ორთვიანი წინასწარი პატიმრობა თბილისის საქალაქო სასამართლომ 21 ოქტომბერს შეუფარდა.

ავტორი: ექსპრესნიუსი,

სოციალური ქსელები

ვინ არის გენერალ-მაიორი მიხაილო დრაპატი, უკრაინის შეიარაღებული ძალების ახალი მეთაური

ზელენსკიმ სირსკი უკრაინის შეიარაღებული ძალების მთავარსარდლის თანამდებობიდან გაათავისუფლა და მის ნაცვლად დრაპატი დანიშნა

Wildberries-ის საწყობის ხანძრის შედეგად მიყენებულმა ზარალმა რუსეთის 53 რეგიონის წლიურ ბიუჯეტს გადააჭარბა

რეჟიმი სუს-ის იუბილის აღსანიშნავად 80 ათას ლარს უტენდეროდ დახარჯავს