ბელგიის პოლიცია არ ადასტურებს ლიზა ქისტაურის გარდაცვალების ფაქტს, - ამის შესახებ "ექსპრესნიუსს" საგარეო საქმეთა სამინისტროში განუცხადეს.

ბელგიის პოლიციის ცნობით, ამ ეტაპზე მიმდინარეობს გამოძიება. ამასთან საგარეო საქმეთა სამინისტოში აცხადებენ, რომ უწყება მუდმივ კონტაქტზეა ბელგიაში საქართველოს საეჩოსთან.

გუშინ 5 იანვარს მედიაში გავრცელებული ინფორმაციით, ლიზა ქისტაური წამებით არის მოკლული და დედას შვილის დაზიანებული სხეულის ამსახველი ფოტოები გამოუგზავნეს. ამავე ინფორმაციით, ქალი სავარაუდოდ მისმა პარტნიორმა მოკლა, რომელთან ერთადაც იყო გაუჩინარებული დეკემბრის ბოლო დღეებიდან. ლიზა ქისტაურთან კავშირი 2 იანვრის შემდეგ გაწყდა.

სოციალურ მედიაში ვრცელდება ლიზას გაუჩინარების კიდევ ერთი ვერსია, რომლის მიხედვითაც მას და მის მეგობარს თავს დაესხნენ, თავდასხმის შედეგად მასთან მყოფი ადამიანი გარდაიცვალა და ლიზა იმალება უსაფრთხოების მიზნით, სანამ სამართალდამცველები თავდამსხმელს იპოვიან და დააკავებენ - ოჯახის მხრიდან არც ეს ვერსიაა დადასტურებული.

ლიზა ქისტაურის დედა იზა არღვლიანი რადიო თავისუფლებასთან არ ადასტურებს თავისი შვილის გარდაცვალებას. იზა არღვლიანი მწვავედ აკრიტიკებს მედიას არასწორი ინფორმაციის გავრცელებისთვის.

ავტორი: ექსპრესნიუსი,

სოციალური ქსელები

ეუთოს საპარლამენტო ასამბლეის კომიტეტმა მხარი დაუჭირა საქართველოში არსებული ვითარების შესახებ რეზოლუციის პროექტს

თიბისი კაპიტალის ექსკლუზიური მხარდაჭერით, თეგეტა მოტორსმა ადგილობრივ ბაზარზე პირველი 6-თვიანი ობლიგაციები განათავსა

„თეგეტა მოტორსმა“ Bridgestone-ის საერთაშორისო ღონისძიებას უმასპინძლა, რომელზეც საბურავების ორი ახალი მოდელი წარადგინეს

"საქართველოს ბანკის" მობილბანკიდან უცხოურ ბანკში გადარიცხვების ფუნქციონალი სრულად განახლდა