საქართველოს პარლამენტში მოშიმშილე "ერთიანი ნაციონალური მოძრაობის" დეპუტატებს აბდულა ისმაილოვი გამოაკლდა. 

როგორც თემურ ჯანაშიამ განაცხადა, დეპუტატს ბოლო დღეების განმავლობაში მაღალი ტემპერატურა აღენიშნებოდა. 

"ჯანმრთელობის მდგომარეობა ნორმალურია, აბსოლუტურად ყველა მოშიმშილის. ერთადერთი ჩვენი კოლეგა გამოგვაკლდა ისმაილო, რომელსაც მაღალი ტემპერატურა ჰქონდა ეს ბოლო ორი დღე და სახლში გავუშვით, იმიტომ რომ არ შეიძლებოდა მისი გაჩერება", - განაცხადა ჯანაშიამ.

შეგახსენებთ, რომ 15 დეკემბერს, "ერთიანი ნაციონალური მოძრაობის" დეპუტატებმა - დავით კირკიტაძემ, ანა წითლიძემ და აბდულ ისმაილოვმა, საქართველოს მესამე პრეზიდენტის საზღვარგარეთ სამკურნალოდ გადაყვანის მოთხოვნით, შიმშილობა დაიწყეს. 

როგორც დავით კირკიტაძემ პარლამენტში გამართულ ბრიფინგზე განაცხადა,  ამ პოლიტიკურმა აქტმა ფრაქციაში   აზრთა სხვადასხვაობა გამოიწვია, თუმცა სამივე დეპუტატი დარწმუნებულია, რომ პროტესტი პარლამენტსაც გასცდება.

პარლამენტში მოშიმშილეებს „ერთიანი ნაციონალური მოძრაობის“ კიდევ ერთი დეპუტატი, თემურ ჯანაშიაც შეუერთდა. დეპუტატები უკვე მეოთხე დღეა შიმშილობენ. 

ავტორი: ექსპრესნიუსი,

სოციალური ქსელები

პოლონეთში დააკავეს მამაკაცი, რომელიც ზელენსკის მკვლელობას მოუწოდებდა

საქართველოს ბანკს Student და sCool Card-ის მფლობელებისთვის სპეციალური შეთავაზება აქვს

ნაურუს მთავრობა აფხაზეთისა და ე.წ. სამხრეთ ოსეთის აღიარების გაუქმებაზე განცხადებას ავრცელებს

ქობულეთში, ზღვაში კაცი დაიხრჩო