უკრაინის პრეზიდენტს ვოლოდიმირ ზელენსკის სურდა, რომ მსოფლიო ჩემპიონატის ფინალის დაწყებამდე მაყურებლისთვის ონლაინ ფორმატში მიემართა, თუმცა FIFA-მ უარი უთხრა. ამის შესახებ ინფორმაციას CNN-ი წყაროზე დაყრდნობით ავრცელებს. 

როგორც წყარო აცხადებს, ზელენსკის ოფისმა გამოთქვა სურვილი, რომ კატარის სტადიონზე, თამაშის წინ, ვოლოდიმირ ზელენსკი ვიდეო ბმულით ჩართულიყო, თუმცა გაურკვეველი მიზეზის გამო, უარყოფითი პასუხი მიიღეს.

"ჩვენ ვფიქრობდით, რომ FIFA-ს სურდა თავისი პლატფორმის გამოყენება უფრო დიდი სიკეთისთვის. თუმცა, უკრაინასა და ფეხბურთის ასოციაციათა საერთაშორისო ფედერაციას შორის მოლაპარაკებები ჯერ კიდევ მიმდინარეობს", - ამბობს წყარო.

CNN ასევე დაუკავშირდა FIFA-ს კომენტარისთვის, თუმცა ფეხბურთის საერთაშორისო მმართველ ორგანოს კომენტარი ამ დრომდე არ გაუკეთებია. 

აღსანიშნავია, რომ კიევმა არაერთხელ სცადა გამოეყენებინა მსოფლიო მოვლენები, განურჩევლად მათი თემისა, რათა გლობალური ყურადღების ცენტრში მოექცია უკრაინის ომი.

ზელენსკი ნატო-ს სამიტიდან დაწყებული, გრემისა და კანის კინოფესტივალის ჩათვლით, ყველგან ვიდეოს საშუალებით წარსდგა. მან ასევე მისცა ინტერვიუ არა ერთ ცნობილ გამოცემასა თუ მსახიობს, მათ შორის შონ პენთან და დევიდ ლეტერმანთან. 

ავტორი: ექსპრესნიუსი,

სოციალური ქსელები

აშშ-ის კონგრესი ემზადება, ტრამპს მიანიჭოს უფლებამოსილება, დააწესოს 100%-მდე ტარიფები რუსული ნავთობის მყიდველებისთვის

ტრამპი: ერაყში მეტი ჯარისკაცი არ გვჭირდება

ზელენსკი: თუ პუტინი უკრაინაში წარმატებას მიაღწევს, ახალი ქვეყნების დაპყრობას შეეცდება

ტრამპი: რუსეთის წინააღმდეგ სანქციების კანონპროექტს შესაძლოა ირანი და ჰეზბოლა დაემატოს