ისრაელმა სარაკეტო შეტევა განახორციელა სირიის დიდ ავიაბაზა შაირატზე, რომელსაც ირანელი და რუსული სამხედროები იყენებდნენ. ამის შესახებ Reuters სირიულ მედიაზე დაყრდნობით იტყობინება.

აეროდრომზე თავდასხმის შედეგად ორი ჯარისკაცი დაიღუპა და სამი დაიჭრა, იუწყება სირიული საინფორმაციო სააგენტო SANA. სამხედრო წყაროები ირწმუნებიან, რომ თავდასხმის ავიაბაზა ცოტა ხნის წინ ირანელი სამხედროების მიერ იქნა გამოყენებული.

სააგენტოს ერთ-ერთმა სამხედრო წყარომ თქვა, რომ თავდასხმების სამიზნე იყო ავიაბაზა ქალაქ ჰომსის სამხრეთ-აღმოსავლეთით.

უსაფრთხოების ძალების წყაროები ასევე იუწყებიან, რომ რუსეთი, რომელიც ინარჩუნებს სამხედრო ყოფნას სირიაში, ათავსებს ჯარებს შაირათის საჰაერო ბაზასთან და იყენებს ამ ობიექტს.

ადამიანის უფლებათა სირიის ცენტრმა (SOHR) წერს, რომ ისრაელის საბრძოლო თვითმფრინავებიდან მიზანს ოთხი რაკეტა გაუშვეს.

ცნობისთვის, მოსკოვი სამხედრო ფლოტისთვის იყენებს ტარტუსში მდებარე საზღვაო ძალების ბაზას, ხოლო საჰაერო ძალების ბაზისთვის ხმეიმის აეროდრომს ლატაკიის დასახლებასთან. გარდა ამისა, რუსეთი იყენებს შაირატის აეროდრომებს ჰომსის პროვინციაში, ტიასს პალმირაში და ასევე განლაგებულია ბაზა ელ-ქამიშლის აეროდრომზე.

ავტორი: ექსპრესნიუსი,

სოციალური ქსელები

ნაუსედა: ჩვენ გვაქვს სადაზვერვო ინფორმაცია, რომ რუსეთი ლიეტუვის ინფრასტრუქტურაზე თავდასხმებს გეგმავს

დღეს უკრაინის სახელმწიფოებრიობის დღეა - კიევი საერთაშორისო პარტნიორებს მასპინძლობს

ზურა ჯაფარიძეს ავტომობილი დაეჯახა - პოლიტიკოსი კლინიკაშია გადაყვანილი

ქუთაისში, იოსელიანის ქუჩაზე ხარაჩო ჩამოიშალა და მუშა მოიყოლა, ის გარდაიცვალა