ყარაბაღის კონფლიქტი გადაწყდა ორი წლის წინ, ამიტომ ამ კონტექსტში განსახილველი არაფერია, მოვიდა დრო, ვიმოქმედოთ აზერბაიჯან-სომხეთს შორის ურთიერთობის ნორმალიზებისთვის. - ამის შესახებ აზერბაიჯანის პრეზიდენტმა ილჰამ ალიევმა სოჭში, რუსეთის პრეზიდენტ ვლადიმერ პუტინთან შეხვედრის დროს განაცხადა.

მისივე თქმით, ადამიანის უფლებების ფუნდამენტური პრინციპების საფუძველზე შესაძლებელია ურთიერთობის ნორმალიზება.

„დღევანდელი შეხვედრა ეძღვნება ჩვენს რეგიონულ საკითხებს. მინდა, კიდევ ერთხელ მადლობა გადაგიხადოთ ყარაბაღის კონფლიქტის დარეგულირებაში თქვენი როლისთვის. ორი წლის წინ ხელმოწერილი იქნა სამმხრივი დეკლარაცია, რომელმაც წერტილი დაუსვა მრავალწლიან კონფლიქტს. ახლა დრო მოვიდა, ვიმოქმედოთ აზერბაიჯანსა და სომხეთს შორის ურთიერთობის ნორმალიზებისთვის და ჩვენ ძალიან ვაფასებთ თქვენს როლს ამ მიმართულებით. აზერბაიჯანმა ცოტა ხნის წინ წამოაყენა ხუთი არსებითი პრინციპი, რომელზეც უნდა იყოს დაფუძნებული ურთიერთობების ნორმალიზება. ეს არის ადამიანის უფლებების ფუნდამენტური პრინციპები და ვფიქრობ, მათ საფუძველზე შესაძლებელია ურთიერთობის ნორმალიზება. ყარაბაღის კონფლიქტი უკვე ისტორიაა, ის გადაწყდა ორი წლის წინ, ამიტომ ამ კონტექსტში განსახილველი არაფერია“. - ნათქვამია განცხადებაში.

ავტორი: ექსპრესნიუსი,

სოციალური ქსელები

არასერიოზულია იმის მტკიცება, რომ ცალკე აღებულმა, "ენერგო-პრო ჯორჯიას“ ხაზმა შესაძლოა გამოიწვიოს ქვეყნის სრული გათიშვა - მიხეილ ბოცვაძე

საქართველოს ბანკი - ფოთის საჭადრაკო ფესტივალზე ქართველი მოჭადრაკეების მთავარი მხარდამჭერი | ტურნირის შეჯამება

საქართველოს ბანკის მხარდაჭერით, მეწარმე ქალებისთვის გაყიდვების თემაზე ვორკშოპი გაიმართა

მედია: ამერიკისა და ისრაელის სადაზვერვო სააგენტოები ირანის ახალ უზენაეს ლიდერს ეძებენ