რამდენიმე ვიზიტით ვიყავი პარლამენტის დელეგაციასთან ერთად, რამდენიმე ელჩს შევხვდი, ზოგიერთით ვიყავი აბსოლუტურად აღტაცებული, ზოგიერთს კი, ელჩად კი არა ბატების მწყემსად არ დავნიშნავდი, - ამის შესახებ პარტია „მოქალაქეების“ დეპუტატმა, ალეკო ელისაშვილმა პარლამენტის პლენარულ სხდომაზე სიტყვით გამოსვლისას განაცხადა.

ელისაშვილმა „მინისტრის საათის“ ფორმატში, საგარეო საქმეთა მინისტრს, ილია დარჩიაშვილს კითხვა  სხვადასხვა ქვეყანაში დანიშნული საქართველოს ელჩების და მათი მუშაობის ეფექტურობის შესახებ დაუსვა.

„ფაქტია, ვართ პატარა, ღარიბი ქვეყანა. ყველგან არ გვყავს ელჩი. ვიცით, რომ ზოგიერთი ელჩი რამდენიმე ქვეყანას ფარავს ერთდროულად, მაგრამ ისიც ფუფუნებაა, რომ ჩვენნაირი ღარიბი ქვეყანა ბევრ ქვეყანაში ელჩებით არის წარმოდგენილი და წესით ისინი ძალიან ეფექტურად უნდა მუშაობდნენ და ყველანი სახელმწიფოს სამსახურში უნდა ათენებდნენ და აღამებდნენ. მე პირადად დიდი კვლევა არ ჩამიტარებია, რამდენიმე ვიზიტით ვიყავი პარლამენტის დელეგაციასთან ერთად, რამდენიმე ელჩს შევხვდი. ზოგიერთით ვიყავი აბსოლუტურად აღტაცებული და ვარ, ზოგიერთ ელჩს კი, ელჩად კი არა ბატების მწყემსად არ დავნიშნავდი, ჩემი გადასაწყვეტი რომ ყოფილიყო. ნუ, ერთ-ერთი აღარ არის ელჩი ღვთის წყალობით. ამის გარდა, სხვადასხვა ელჩზე უამრავი ჭორ-მართალი მსმენია, რომ ზოგი ძირითად საკუთარი ცხოვრების კეთილმოწყობით არის დაკავებული და ა.შ. მაგრამ ჭორებზე არ ვილაპარაკებ. მე მაინტერესებს, გაქვთ თუ არა რაიმე კრიტერიუმები, როგორ აფასებთ ვინ მუშაობს კარგად, ვინ მუშაობს ცუდად და ვინ რით არის დაკავებული. რა კრიტერიუმები გაქვთ, რომლითაც იტყვით, რომ ეს არის ყოჩაღი, იმსახურებს დაწინაურებას,  ვიღაცა დაკისრებულ მოვალეობას თავს ვერ ართმევს და ა.შ. მხოლოდ ჭორები რომ არ მესმოდეს ხოლმე სხვადასხვა ელჩთან დაკავშირებით", - განაცხადა ელისაშვილმა.

ავტორი: ექსპრესნიუსი,

სოციალური ქსელები

არასერიოზულია იმის მტკიცება, რომ ცალკე აღებულმა, "ენერგო-პრო ჯორჯიას“ ხაზმა შესაძლოა გამოიწვიოს ქვეყნის სრული გათიშვა - მიხეილ ბოცვაძე

საქართველოს ბანკი - ფოთის საჭადრაკო ფესტივალზე ქართველი მოჭადრაკეების მთავარი მხარდამჭერი | ტურნირის შეჯამება

საქართველოს ბანკის მხარდაჭერით, მეწარმე ქალებისთვის გაყიდვების თემაზე ვორკშოპი გაიმართა

მედია: ამერიკისა და ისრაელის სადაზვერვო სააგენტოები ირანის ახალ უზენაეს ლიდერს ეძებენ