გერმანიაში მიმდინარე ევროპელი სოციალ-დემოკრატების პარტიის (PES) საერთაშორისო კონგრესზე გერმანიის კანცლერმა, ოლაფ შოლცმა ევროკავშირის მომავალ გაფართოებაზე ისაუბრა და თქვა, რომ აღმოსავლეთით ბლოკის გაფართოება ევროპისთვის მომგებიანია, თუმცა ქვეყნებმა, მათ შორის საქართველომ, კრიტერიუმები უნდა დააკმაყოფილოს.

შოლცის თქმით, ევროპელი ხალხის ხმა მთელ კონტინენტზე უნდა ისმოდეს – ხმელთაშუა ზღვიდან ჩრდილოეთის ზღვამდე და ლისაბონიდან თბილისამდე.

"დღეს, როცა რუსეთი ცდილობს, ძალადობრივი გზით შეცვალოს საზღვრები თავისუფლებასა და ავტოკრატიას შორის, ჩვენ ევროპის ხალხი ვართ, ჩვენი ხმა მთელ ევროპაში უნდა ისმოდეს – ხმელთაშუა ზღვიდან ჩრდილოეთის ზღვამდე, ლისაბონიდან თბილისამდე და მის მიღმაც.

ერთად ჩვენ საფუძველი უნდა ჩავუყაროთ თავისუფალ, უსაფრთხო და დემოკრატიულ ევროპას. სწორედ ასე შეგვიძლია დავიცვათ ევროპული ღირებულებები როგორც შიგნით, ასევე გარეთ. ევროპა ჩვენი მომავალია და ეს მომავალი გაბედულად უნდა ჩამოვაყალიბოთ". – თქვა შოლცმა.

ბერლინში ევროპელი სოციალ-დემოკრატების პარტიის (PES) საერთაშორისო კონგრესის მიმდინარეობას,  „ქართული ოცნების“ დელეგაცია ირაკლი კობახიძის ხელმძღვანელობით ესწრება. „ქართული ოცნება“ ევროპელი სოციალ-დემოკრატების პარტიის (PES) წევრია. 

ავტორი: ექსპრესნიუსი,

სოციალური ქსელები

არასერიოზულია იმის მტკიცება, რომ ცალკე აღებულმა, "ენერგო-პრო ჯორჯიას“ ხაზმა შესაძლოა გამოიწვიოს ქვეყნის სრული გათიშვა - მიხეილ ბოცვაძე

საქართველოს ბანკი - ფოთის საჭადრაკო ფესტივალზე ქართველი მოჭადრაკეების მთავარი მხარდამჭერი | ტურნირის შეჯამება

საქართველოს ბანკის მხარდაჭერით, მეწარმე ქალებისთვის გაყიდვების თემაზე ვორკშოპი გაიმართა

მედია: ამერიკისა და ისრაელის სადაზვერვო სააგენტოები ირანის ახალ უზენაეს ლიდერს ეძებენ