2022-10-08 11:29:59, 1817 ნახვა
ომი უკრაინაში
ზელენსკი - ჩვენმა მებრძოლებმა ამ კვირაში 776 კვადრატული კილომეტრი ფართობის ტერიტორია გაათავისუფლეს
ჩვენმა მებრძოლებმა ამ კვირაში 776 კვადრატული კილომეტრი ფართობის ტერიტორია გაათავისუფლეს. - ამის შესახებ უკრაინის პრეზიდენტმა, ვოლოდიმირ ზელენსკიმ განაცხადა.
მისივე თქმით, უკრაინელებმა ოკუპანტებისგან 29 დასახლებული პუნქტი გაათავისუფლეს.
"ჩვენმა მებრძოლებმა ამ კვირაში 776 კვადრატული კილომეტრი ფართობის ტერიტორია გაათავისუფლეს, ასევე 29 დასახლებული პუნქტი, მათ შორის ლუგანსკის ოლქში. სულ კი, შეტევის დაწყებიდან დღემდე, გათავისუფლდა 2 434 კვადრატული კილომეტრი ფართობის ტერიტორია და 96 დასახლება". - ნათქვამი განცხადებაში.
შეგახსენებთ, რომ პუტინმა უკრაინის ოთხი ოკუპირებული რეგიონის ანექსიას ხელი მოაწერა .
ავტორი: ექსპრესნიუსი,
epn.ge (@expressnews.ge)
