რუსი ოკუპანტების სარაკეტო იერიშს ხარკოვის ოლქის ქალაქ პერვომაისკიზე, 15 წლის გოგო ემსხვერპლა. - ამის შესახებ ინფორმაციას ხარკოვის ოლქის გუბერნატორი, ოლეგ სინეგუბოვი ავრცელებს. 

მისივე თქმით, დაშავებულების შესახებ ინფორმაციას ჯერ-ჯერობით უცნობია.

"რუსმა ოკუპანტებმა სარაკეტო იერიში სამოქალაქო ინფრასტრუქტურულ ობიექტებზე მიიტანეს. 2 კერძო სახლი მთლიანად განადგურდა. სამწუხაროდ, 15 წლის გოგო დაიღუპა. დაშავებულების შესახებ ინფორმაცია ამ დრომდე ზუსტდება. ყველა, ვინც ომის დანაშაულს სჩადის, დაისჯება". - ნათქვამია განცხადებაში.

შეგახსენებთ, რომ ცოტახნის წინ რუსეთის პრეზიდენტმა, ვლადიმერ პუტინმა ქვეყანაში ნაწილობრივი მობილიზაცია გამოაცხადა.

მისივე თქმით, რუსეთის ფედერაციაში ნაწილობრივი მობილიზაციის ფარგლებში გაწვევას მხოლოდ რეზერვი და სამხედრო გამოცდილების მქონე მოქალაქეები დაექვემდებარებიან. ნაწილებში გაგზავნამდე, სამხედრო სამსახურში გამოძახებულები, სპეციალური სამხედრო ოპერაციის გამოცდილების გათვალისწინებით, გაივლიან დამატებით სამხედრო მომზადებას.

ავტორი: ექსპრესნიუსი,

სოციალური ქსელები

ვოლსკი: საიდან მოიტანეს ეს ქარდი, ან ვინ ალაიქებს, ან ვინ აჰაჰავებს

რას პასუხობს საზოგადოებრივი მაუწყებელი სინდისის პატიმრების მშობლებს ეთერის მოთხოვნაზე

რიკოთზე ავარიას 2 ადამიანი ემსხვერპლა, დაშავდა ბავშვი

ზურაბ ჯაფარიძე: ერთადერთი, რაც თვითმხილველებს „ახსოვთ“, არის ის, რომ ჩვენ „ზეწოლისკენ“ მოვუწოდეთ