კულტურისა და ხელოვნების ღვაწლმოსილ მუშაკს, საპატიო შუახეველს, რეზო ფევაძეს 75 წელი შეუსრულდა.

საიუბილეო თარიღი, რეზო ფევაძეს, შუახევის მერმა ომარ ტაკიძემ, საკრებულოს თავმჯდომარე, როსტომ ლორთქიფანიძესთან და აჭარის უმაღლესი საბჭოს წევრთან, ფრიდონ ფუტკარაძესთან ერთად მიულოცა, კულტურის სფეროში ხანგრძლივი და ნაყოფიერი საქმიანობისათვის სიგელი და სამახსოვრო საჩუქარი გადასცა.

რეზო ფევაძე 50 წელზე მეტია ჩართულია მუნიციპალიტეტის კულტურულ-შემოქმედებით ცხოვრებაში. მუშაობდა შუახევის კულტურის ცენტრში სხვადასხვა პოზიციაზე.

მონაწილეობდა როგორც ქვეყნის, ასევე, მის ფარგლებს გარეთ საერთაშორისო ფესტივალებში. დაჯილდოებულია მედლებით, სიგელებით, დიპლომებითა და პრემიებით. მინიჭებული აქვს აჭარის კულტურის დამსახურებული მუშაკის, საპატიო მარეთელისა და შუახევის კოლორიტის წოდება. ეწეოდა შემოქმედებით საქმიანობას ვაჟთა ვოკალურ ანსამბლში ,,შუახევი“ და იყო მისი უცვლელი წევრი. არის ფოლკლორის, ხალხური შემოქმედებითი, რესპუბლიკური და სხვადასხვა ფესტივალების  ლაურეატი. 

მისი ავტორობით გამოიცა შუახევის ნახევარ საუკუნოვანი შემოქმედებითი ცხოვრების ისტორიის ამსახველი წიგნი-ალბომი ,,შენი განდაგანა, რერო ოდელია". 

რეზო ფევაძე დღემდე აგრძელებს კულტურის სფეროში მოღვაწეობას.

ავტორი: NS (სტატია დაფინანსებულია),

სოციალური ქსელები

რუსეთის მთავრობამ გადაწყვიტა, ბენზინის ფასების ზრდის შესახებ მონაცემები გაასაიდუმლოს

კობახიძემ ივანიშვილის დაფუძნებულ ე.წ ქუთაისის საუნივერსიტეტო ქალაქს ბიუჯეტიდან 106 530 ლარი გამოუყო

ჟურნალისტ როგავამ ეჭვი შეიტანა დაკავებული სპეცრაზმელის თავდასხმაში მონაწილეობაში

ახალი კონფლიქტი: ვარშავამ კიევი ისტორიულ პროვოკაციაში დაადანაშაულა