რუსეთი ცდილობს ზაპორიჟიეს ატომური ელექტროსადგურის გათიშვას უკრაინის ელექტრო ქსელიდან, ის არის უკრაინული ატომური ელექტროსადგური და მასზე კონტროლი უკრაინელებმა უნდა დაიბრუნონ, - ამის შესახებ დიდი ბრიტანეთის პრემიერ-მინისტრმა ბორის ჯონსონმა პრესკონფერენციაზე განაცხადა.

ბრიტანეთის პრემიერის თქმით, ატომური ენერგიის საერთაშორისო სააგენტოს მისია უაღრესად მნიშვნელოვანია შესაძლო ბირთვული კატასტროფის თავიდან ასაცილებლად.

"უკრაინის მთავრობას სავსებით ლეგიტიმურად სურს ზაპორიჟიეს ატომური ელექტროსადგურის  დაბრუნება რუსული კონტროლიდან. რუსების მიზანი ნათელია. მათ სურთ მისი გათიშვა უკრაინული ქსელიდან და დაკავშირება რუსულ ქსელთან. მე მჯერა, რომ მნიშვნელოვანია, რომ ბ-ნი გრასის და IAEA-ს მიეცეთ უფლება შევიდნენ და ჩაატარონ ინსპექტირება. მე მჯერა, რომ უკრაინელებმა უნდა დააბრუნონ ატომური ელექტროსადგური თავიანთი კონტროლის ქვეშ", - თქვა ჯონსონმა.

ცნობისთვის, 4 მარტს რუსმა ჯარებმა აიღეს ენერგოდარი ზაპორიჟიეს რაიონში, ქალაქი, სადაც ატომური ელექტროსადგური მდებარეობს და თავად სადგური დაბომბეს. 21 ივლისს ცნობილი გახდა , რომ რუსმა ოკუპანტებმა უკვე განათავსეს სამხედრო ტექნიკა, ასაფეთქებელი ნივთიერებები და იარაღი ატომური ელექტროსადგურის ძრავის განყოფილებაში.

3 აგვისტოს IAEA-ს გენერალურმა დირექტორმა რაფაელ გროსიმ განაცხადა , რომ ზაპორიჟიეს ატომურმა ელექტროსადგურმა მთლიანად დატოვა სააგენტოს კონტროლი და დარღვეულია სადგურზე ბირთვული უსაფრთხოების პრინციპები.

23 აგვისტოს IAEA-ს გენერალურმა დირექტორმა რაფაელ გროსიმ განაცხადა , რომ ატომური ენერგიის საერთაშორისო სააგენტოს წარმომადგენლები უახლოეს მომავალში გეგმავდნენ ზაპორიჟიეს ატომური ელექტროსადგურის მონახულებას.

27 აგვისტოს რუსეთმა დაბლოკა გაეროში შეთანხმება, რომელიც მიზნად ისახავდა ბირთვული იარაღის გაუვრცელებლობის შესახებ ხელშეკრულების (NPT) გაძლიერებას, რადგან მოსკოვმა გააპროტესტა პუნქტი უკრაინის მიერ ზაპორიჟიეს ელექტროსადგურზე კონტროლის შესახებ.

ავტორი: ექსპრესნიუსი,

სოციალური ქსელები

ზელენსკიმ თავდაცვის მინისტრი თანამდებობიდან გადააყენა - ამას პროტესტი მოჰყვა

ვოლსკი: მაკა ბოჭორიშვილის ვაშინგტონში მიწვევა სერიოზული დასტურია, რომ საქართველოსთან თანამშრომლობა საგანგებოდ მნიშვნელოვანია

ირანის შეიარაღებული ძალების გაერთიანებული სარდლობა - აშშ-ის მიერ ჰორმუზის სრუტეში ჩარევას არ დავუშვებთ

მილიარდერები რუსეთიდან თავიანთი ფულის გატანას ჩქარობენ, რადგან სამხედრო ბიუჯეტისთვის კონფისკაციის შიში აქვთ