2022-07-19 11:50:53, 1592 ნახვა
ომი უკრაინაში
რუსმა სამხედროებმა ნიკოპოლზე 40-მდე რაკეტა გაისროლეს
რუსმა სამხედროებმა ნიკოპოლზე 40-მდე რაკეტა გაისროლეს. ამის შესახებ ინფორმაციას დნეპროპეტროვსკის ხელმძღვანელი, ვალენტინ რეზნიჩენკო ავრცელებს.
"რუსულმა ჯარებმა ცეცხლით დაფარეს ნიკოპოლისა და კრივოი როგის რეგიონები. ნიკოპოლზე 40-მდე რაკეტა იყო გასროლილი. ორი სამრეწველო საწარმოს განადგურება მოხდა. აფეთქებებმა ხანძარი გამოიწვია", - წერს ის.
ქალაქში დაზიანდა რამდენიმე კერძო სახლი და ელექტროგადამცემი ქსელი. ადგილზე უკვე იმყოფებიან ელექტრიკოსები.
"ხალხი არ დაშავებულა. კრივოი როგის რაიონში მტერმა არტილერია ესროლა ზელენოდოლსკის თემს. საბედნიეროდ, არავინ დაშავებულა", - დასძინა რეზნიჩენკომ.
რეგიონის სხვა რაიონებში ამ დროისთვის სიმშვიდეა.
ავტორი: ექსპრესნიუსი,
epn.ge (@expressnews.ge)
