2022-07-03 19:14:41, 1642 ნახვა
ომი უკრაინაში
თურქეთში დააკავეს რუსული სატვირთო გემი, რომელსაც უკრაინიდან მოპარული მარცვლეული გადაჰქონდა
თურქეთის საბაჟო ორგანოებმა დააკავეს რუსული სატვირთო გემი, რომელსაც უკრაინიდან მოპარული მარცვლეული გადაჰქონდა. ამის შესახებ თურქეთში უკრაინის ელჩმა, ვასილ ბოდნარიმ განაცხადა
„ჩვენ გვაქვს სრული თანამშრომლობა. გემი ამჟამად დგას პორტის შესასვლელთან, ის თურქეთის საბაჟო ორგანოებმა დააკავეს", - ამბობს ელჩი.
გამოცემა Reuters-ის ცნობით, გემის ბედს ორშაბათს სამუშაო ჯგუფის შეხვედრა გადაწყვეტს.
უკრაინამ მანამდე სთხოვა თურქეთს დაეკავებინა რუსეთის დროშის ქვეშ მდგარი სატვირთო გემი ჟიბეკ ჟოლი.
ავტორი: ექსპრესნიუსი,
epn.ge (@expressnews.ge)
