ინდოეთი აპირებს გააორმაგოს რუსული ნავთობის იმპორტი და ისარგებლოს კომპანიის Rosneft-ის მიერ შემოთავაზებული მნიშვნელოვანი ფასდაკლებით რუსეთის საერთაშორისო იზოლაციის გამო. ამის შესახებ ამერიკული სააგენტო Bloomberg ინდოეთის სახელმწიფო კომპანიების გეგმებზე გაცნობილ წყაროებზე დაყრდნობით იუწყება.

ამასთან, აღნიშნულია, რომ ახლა განიხილება ნავთობის გადაზიდვის, ასევე ტრანსპორტირებისა და დაზღვევის საკითხები.

„სახელმწიფო გადამამუშავებელი მწარმოებლები (ინდოეთის - რედ.) ერთად მუშაობენ მოლაპარაკებების დასასრულებლად და ახალი ნახევარწლიური კონტრაქტების დასადებად ინდოეთში რუსული ნავთობის მიწოდებისთვის“, - მოჰყავს გამოცემა წყაროებიდან.

ინდოეთი რუსული ნავთობით ადრეც იჩენდა ინტერესს, ხოლო აშშ-მ, ევროკავშირმა, დიდმა ბრიტანეთმა და სხვა ქვეყნებმა მნიშვნელოვანი შეზღუდვები დააწესეს რუსეთის ფედერაციიდან ნახშირწყალბადების იმპორტზე უკრაინაში რუსეთის შეჭრის გამო.

მოგეხსენებათ, გასულ კვირას აშშ-ის სახელმწიფო დეპარტამენტმა გაგზავნა წერილი იტალიურ ნავთობკომპანია Eni SpA-სა და ესპანურ Repsol SA-ს ვენესუელიდან ნავთობის შესყიდვის აღდგენის მიზანშეწონილობის შესახებ . ამან უნდა აანაზღაუროს რუსეთიდან იმპორტის შეწყვეტა და გარკვეულწილად შეამციროს დეფიციტი ევროპის ენერგეტიკულ ბაზარზე.

ავტორი: ექსპრესნიუსი,

სოციალური ქსელები

ვაკის პარკის შადრევნის საქმეზე დაკავებული ლაშა ფურცხვანიძე ციხიდან ვადაზე ადრე გაათავისუფლეს

უკრაინის რადამ ახალ პრემიერ-მინისტრად სერგეი კორეცკი დაამტკიცა

ComCom ფორმულას ტერმინების გამო კანონის დარღვევას უკვე მესამედ ედავება

მარია ზახაროვა - საქართველოს დამოუკიდებლობა დასავლეთისთვის ყელში გაჩხერილი ძვალი გახდა