საქართველოს პრეზიდენტის ადმინისტრაციამ პრორუსულ და ძალადობრივ პლატფორმა „ალტ-ინფოს“ ბრიფინგზე დასასწრებად მედიააკრედიტაცია არ მისცა. გადამღები ჯგუფი ადმინისტრაციის შენობაში არ შეუშვეს.

როგორც „ალტ-ინფოს“ ერთ-ერთმა წარმომადგენელმა გუშინდელ გადაცემაში აღნიშნა, უკვე მეორე შემთხვევაა, როცა მათი წარმომადგენელი პრეზიდენტის ადმინისტრაციაში არ შეუშვეს.

„პრესცენტრს მინდა, რომ გავესაუბრო – ყველა ჟურნალისტი შეუშვეს აბსოლუტურად, ჩვენ გარდა. სამი საათით ადრე, როგორც კი ჩაინიშნა პრეზიდენტის ბრიფინგი, მაშინვე გადმოაგზავნა ჩემმა პროდიუსერმა, თუმცა შეუშვეს ყველა და უკვე მე-2 შემთხვევაა, როცა მე არ მიშვებენ“, – ამბობს „ალტ-ინფოს“ წარმომადგენელი სიუჟეტში.

ცნობისთვის, გუშინ საქართველოს პრეზიდენტმა სალომე ზურაბიშვილმა ორბელიანების სასახლეში ევროკავშირის კითხვართან დაკავშირებით ბრიფინგი გამართა.

„ალტ-ინფო“ ძალადობრივი, პრორუსული ორგანიზაციაა. მათი ორგანიზებით, 2021 წლის 5 ივლისს „თბილისი პრაიდის“ ღირსების მარშის პარალელურად საპროტესტო აქცია გაიმართა, სადაც აქციის ორგანიზატორებმა და მონაწილეებმა მედიის წარმომადგენლებზე იძალადეს.

ავტორი: ექსპრესნიუსი,

სოციალური ქსელები

მენტორები, რომლებიც საქართველოს ნაკრებს AI-ს საერთაშორისო ოლიმპიადისთვის ამზადებენ

ნეთანიაჰუმ დაადასტურა, რომ ტრამპთან ჰამასის შეთანხმებასთან დაკავშირებით უთანხმოება აქვს

ამოღებულია "მეთადონი" - ნარკოდანაშაულის ბრალდებით სამი პირი დააკავეს

შეერთებულმა შტატებმა სანქციები დააწესა რუსეთის თავდაცვის სამინისტროს დანაყოფების, რიგი კომპანიებისა და ფიზიკური პირების წინააღმდეგ