აგრესორი ქვეყნის პრეზიდენტმა ვლადიმერ პუტინმა უკრაინაში წარუმატებელი სამხედრო კამპანიის გამო . ФСБ-ს საგარეო დაზვერვის დეპარტამენტის უფროსი გენერალი სერგეი ბესედა და მისი მოადგილე ბოლოხი (სახელი არ არის მითითებული) დაიჭირა.
ინფორმაციას გამოცემა "მედუზა" ავრცელებს, რომელსაც  Bellingcat -ის გამომძიებელი ჟურნალისტი ხრისტოს გროზევი ადასტურებს. მან დაურეკა გენერალ ბესედას, თუმცა ნომერზე სხვამ უპასუხა და განაცხადა, რომ აღნიშნულ ნომერზე გენერალი ხელმისაწვდომი აღარაა.
ბესედას და ბოლუხს ევალებოდათ დაზვერვა უკრაინის ტერიტორიაზე და, ალბათ, სწორედ მათ შეიყვანეს შეცდომაში პუტინი უკრაინის მზადყოფნაზე, რომ რუს ოკუპანტებს უკრაინის მოსახლეობა ყვავილებით მიეგებებოდა.  ბოლოხი დამატებით პასუხისმგებელი იყო დეზინფორმაციაზე.

მე-5 სამსახური (ოფიციალურად სახელწოდებით ოპერატიული ინფორმაციისა და საერთაშორისო ურთიერთობების სამსახური) ზედამხედველობს ФСБ-ის ურთიერთობებს უცხოელ პარტნიორებთან, მათ შორის აშშ-ს სააგენტოებთან. სამსახურის შიგნით არის ოპერატიული ინფორმაციის დეპარტამენტი (DPI), რომელიც ასრულებს ФСБ-ის საგარეო დაზვერვის ფუნქციებს.

”ეს იყო მეხუთე სამსახური, რომელიც პასუხისმგებელი იყო ვლადიმერ პუტინის ინფორმირებაზე უკრაინაში პოლიტიკური მოვლენების შესახებ შეჭრის წინა დღეს. როგორც ჩანს, ომის დაწყებიდან ორი კვირის შემდეგ პუტინი საბოლოოდ მიხვდა, რომ უბრალოდ შეცდომაში შეიყვანეს: მე-5 სამსახურმა, პუტინს გაბრაზების შიშით, უბრალოდ მიაწოდა მას მონაცემები, რომლის მოსმენაც თავად სურდა. - აღნიშნავს რუსი ჟურნალისტი ანდრეი სოლდატოვი, რომელსაც ФСБ-ს მაღალ ეშალონებში დაუდასტურეს გენერლის შინაპატიმრობა.

წყაროები ამბობენ, რომ გენერალ ბესედას და მის მოადგილეს შინაპატიმრობა შეუფარდეს. მიზეზებს შორის არის ოპერაციებისთვის გამოყოფილი თანხების ბოროტად გამოყენება, ასევე ცუდი სადაზვერვო ინფორმაცია. 

ავტორი: ექსპრესნიუსი,

სოციალური ქსელები

ტრამპი: ერაყში მეტი ჯარისკაცი არ გვჭირდება

ზელენსკი: თუ პუტინი უკრაინაში წარმატებას მიაღწევს, ახალი ქვეყნების დაპყრობას შეეცდება

ტრამპი: რუსეთის წინააღმდეგ სანქციების კანონპროექტს შესაძლოა ირანი და ჰეზბოლა დაემატოს

რუსეთმა განაცხადა, რომ საქართველო სატვირთო მანქანების გავლას ზემო ლარსის საკონტროლო-გამშვებ პუნქტზე ბლოკავს