2022-02-24 22:25:36, 653 ნახვა

---

მამუკა ხაზარაძე - დაიხუროს რუსული და იმ ქართული არხების მაუწყებლობა, რომლებიც ეროვნული ინტერესების საწინააღმდეგო აგიტაციას ეწევა

„დაიხუროს რუსული და იმ ადგილობრივი არხების მაუწყებლობა, რომელიც ჩვენი ეროვნული ინტერესების საწინააღმდეგოდ, ძირგამომთხრელ აგიტაციას ეწევა“, - ამის შესახებ „ლელოს" ლიდერმა მამუკა ხაზარაძემ განაცხადა.

მისივე თქმით, უკრაინის მიმართ რუსეთის აგრესიის ფონზე, საქართველოში სხვადასხვა პირების, ტელეარხებისა და საინფორმაციო საშუალებების მიერ რუსული პოლიტიკის ღია პროპაგანდა მიმდინარეობს, რომელზეც საქართველოში, რუსული ძალა უკვე წლებია აქტიურად მუშაობს.

„ხვალ პრეზიდენტის მიერ მოწვეული პარლამენტის საგანგებო სხდომაა, მივმართავ პარლამენტარებს იმსჯელონ ამ საკითხზე და მიიღონ გადაწყვეტილება დაიხუროს რუსული და იმ ადგილობრივი არხების მაუწყებლობა, რომელიც ძირგამომთხრელ აგიტაციას ეწევა ჩვენი ეროვნული ინტერესების საწინააღმდეგოდ. ასეთი ნაბიჯი გადადგა ბევრმა ქვეყანამ, ახლა ჩვენი ჯერია!" , - ამის შესახებ მამუკა ხაზარაძე სოციალურ ქსელში წერს.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი