2022-01-31 13:45:06, 575 ნახვა

---

ლევან დავითაშვილი პრემიერის ცოლისთვის გადაცემულ ტყეზე - ეს ჩუქება არაა, ნებისმიერ მოქალაქეს შეუძლია იგივე გააკეთოს

გარემოს დაცვისა და სოფლის მეურნეობის მინისტრის ლევან დავითაშვილის განმარტებით, პრემიერ-მინისტრის ირაკლი ღარიბაშვილის ცოლს, ნუნუ თამაზაშვილს ტყეის მონაკვეთი აბსოლუტურად ლეგალურად, იჯარით აუქციონის პირობებში გადაეცა.
 
მისივე თქმით, მოიჯარე ვალდებულია ტყეს  სათანადო პირობებით მოუაროს და ამაში სახელმწიფოს თანხა გადაუხადოს.

"აბსოლუტურად ლეგალურად, აუქციონის პირობებში მოხდა ამ კონკრეტული ტყის მონაკვეთის გაიჯარება. შეგიძლიათ მიმართოთ ეროვნულ სატყეო სააგენტოს და მე თქვენ გარანტიას გაძლევთ, რომ თქვენთვის სასურველი ტყის ობიექტი სათანადო პასუხიმგებლობის ფარგლებში რომ გადმოგცეთ თქვენ, ასევე საიჯარო ვალდებულებებით. ანუ არავინ არავის არაფერი არ აჩუქა, ეს არის პირიქით ვალდებულებები მათთვის, რომ ტყეს მოუარონ სათანადო პირობებით და ამაში სახელმწიფოს თანხა გადაუხადონ", - განაცხადა ლევან დავითაშვილმა.  

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი