2022-01-21 17:29:40, 1185 ნახვა

---

სერგეი ლავროვი – ენტონი ბლინკენთან შეხვედრაზე გავიმეორეთ მოთხოვნა, რომ ნატო აღმოსავლეთით არ უნდა გაფართოვდეს

რუსეთის საგარეო საქმეთა მინისტრი სერგეი ლავროვი აშშ–ის სახელმწიფო მდივანს, ენტონი ბლინკენს ჟენევაში შეხვდა.

შეხვედრის დასრულების შემდეგ, რუსეთის საგარეო უწყების ხელმძღვანელმა პრესკონფერენციაზე განაცხადა, რომ რუსული მხარე უკრაინაზე თავდასხმას არ აპირებს და რუსეთი არასდროს ემუქრებოდა უკრაინელ ხალხს. 

ამასთანავე, ლავროვმა აღნიშნა, რომ შეხვერაზე გააჟღერა მთავარი მოთხოვნა, რომ ნატო აღმოსავლეთით არ უნდა გაფართოვდეს, რადგან ალიანსი რუსეთის ფედერაციის წინააღმდეგ მუშაობს. 

„რა თქმა უნდა, ჩვენ დღეს მოვისმინეთ განმეორებით არგუმენტები არჩევანის თავისუფლების შესახებ, სამხედრო ალიანსების არჩევის თავისუფლებაზე. ბლინკენთან შეხვედრაზე ჩვენ გავიმეორეთ ჩვენი მოთხოვნა, რომ ნატო აღმოსავლეთით არ უნდა გაფართოვდეს“, – აღნიშნა ლავროვმა.

ამასთანავე, საგარეო უწყების ხელმძღვანელმა დასძინა, რომ შეხვედრის ბოლოს აშშ–ის სახელმწიფო მდივანი დაჰპირდა, რომ მომდევნო კვირისთვის წერილობით უპასუხებს მოსკოვს უსაფრთხოების გარანტიების თაობაზე. 

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი