2022-01-19 14:08:41, 681 ნახვა
მსოფლიო
რეჯეფ თაიფ ერდოღანი ვლადიმერ ზელენსკისა და ვლადიმერ პუტინს თურქეთში მოლაპარაკებებზე იწვევს
თურქეთის პრეზიდენტი, რეჯეფ თაიფ ერდოღანი უკრაინის პრეზიდენტ ვლადიმერ ზელენსკისა და რუსეთის პრეზიდენტ ვლადიმერ პუტინს თურქეთში მოლაპარაკებებზე იწვევს.
აღნიშნულის შესახებ ინფორმაციას რუსული მედია თურქეთის პრეზიდენტის სპიკერის, იბრაჰიმ კალინის განცხადებაზე დაყრდნობით ავრცელებს.
"პრეზიდენტმა ერდოღანმა მოიწვია ორივე ქვეყნის ლიდერი თურქეთში, რათა გაიმართოს შეხვედრა პრობლემებისა და არსებული უთანხმოებების მოსაგვარებლად. თურქეთი მზადაა, ითამაშოს ნებისმიერი როლი, რათა შეამციროს დაპირისპირება რუსეთ–უკრაინას შორის", – განაცხადა სპიკერმა.
ამასთანავე, ერდოღანის პრესსპიკერმა განაცხადა, რომ თურქეთის პრეზიდენტს სურს, უახლოეს კვირებში ეწვიოს უკრაინას.
ავტორი: ექსპრესნიუსი,
epn.ge (@expressnews.ge)
