2022-01-07 14:58:40, 932 ნახვა
მსოფლიო
„თალიბანი“ მოუწოდებს ყაზახეთში დაპირისპირებულ მხარეებს, მშვიდობიანი გზით, დიალოგით მოაგვარონ უთანხმოება
ავღანეთის საგარეო საქმეთა სამინისტროს სპიკერი აბდულ კაჰარ ბალხი აცხადებს, რომ „თალიბანი“ თვალს ადევნებს ყაზახეთში მიმდინარე საპროტესტო აქციებს.
როგორც ის აღნიშნავს, „თალიბანი“ მოუწოდებს მხარეებს, მშვიდობიანი გზით, დიალოგით, მოაგვარონ უთანხმოება.
„ავღანეთი ყურადღებით ადევნებს თვალს ყაზახეთში არსებულ ვითარებას და როგორც ახლო მეზობელი და სავაჭრო პარტნიორი შეშფოთებულია იქ ბოლოდროინდელი არეულობით. მოვუწოდებთ ხელისუფლებას და მომიტინგეებს, მოაგვარონ უთანხმოება დიალოგის გზით და ქვეყანაში მშვიდობა და სტაბილურობა მოიტანონ“, - ნათქვამია საგარეო საქმეთა სამინისტროს სპიკერის განცხადებაში
ავტორი: ექსპრესნიუსი,
epn.ge (@expressnews.ge)
