საქართველოს ომბუდსმენის, ნინო ლომჯარია განცხადებით, ქვეყნის პრეზიდენტმა, სალომე ზურაბიშვილმა სახელმწიფო ინსპექტორის გაუქმების კანონს ვეტო აუცილებლად უნდა დაადოს.

მისივე თქმით, იმის გამო, რომ ქვეყნის მმართველ გუნდს აღნიშნულთან დაკავშირებით „ჩამოყალიბებული“ აზრი აქვს, არის შესაძლებლობაც იმისა, რომ ხელისუფლებამ ეს ვეტოც გადალახოს. ამ შემთხვევაში კი, სახელმწიფო ინსპექტორის ინსტიტუტის შესანარჩუნებლად საკონსტიტუციო სასამართლოში გასაჩივრების გზაღა იქნება დარჩენილი.

„მინდა საზოგადოებას ავუხსნა რა ხდება: თუკი თქვენ, სამართალდამცავი ორგანოს წარმომადგენელი, ამ უწყების გაუქმების შემდგომ თქვენზე იძალადებს, მოახდენს ზეწოლას, რომ მისცეთ ან შეცვალოთ კონკრეტული ჩვენები, ან თუკი თქვენ ხართ პატიმარი და თქვენზე სისტემის წარმომადგენელი იძალადებს, შეგეძლებათ მოგვმართოთ, სახალხო დამცველი დაიცავს თქვენ უფლებებს, თუმცა არ იარსებებს დამოუკიდებელი ინსტიტუტი ქვეყანაში, სადაც სახალხო დამცველს შეეძლება, ეს ინფორმაცია გადააგზავნოს და მოითხოვოს დამოუკიდებელი და ობიექტური გამოძიება - აი, ასეთი ინსტიტუტი უქმდება. მე ვფიქრობ, რომ პრეზიდენტმა მას, რა თქმა უნდა, ვეტო უნდა დაადოს, თავისი მოტივირებული შენიშვნები დაუბრუნოს პარლამენტს, თუმცა, როგორც ხედავთ, მმართველი პარტია ძალიან ჩამოყალიბებულია ამ პოზიციის არ შეცვლის გადაწყვეტილებაზე, სავარაუდოდ გადალახავენ ამ ვეტოს. არის მეორე გზაც, შემდგომ უკვე მიღებული კანონის, საკონსტიტუციო სასამართლოში გასაჩივრების, თუმცა ბოლო პერიოდში, მას შემდეგ რაც სრულად აკონტროლებს ხელისუფლება სასამართლოს, ჩვენი პრაქტიკა ცხადყოფს, რომ სამწუხაროდ, პოლიტიკურ საკითხებზე პოლიტიკური გადაწყვეტილები მიიღება“, - აღნიშნა ნინო ლომჯარიამ.

ავტორი: ექსპრესნიუსი,

სოციალური ქსელები

პენტაგონის ხელმძღვანელი უარყოფს, რომ აშშ-ს რაკეტების მარაგი ამოეწურა

"ყაზბეგის" საზღვარზე ₾143 817-ის ოქროს ზოდების უკანონოდ შემოიტანეს - დაკავებულია რუსეთის მოქალაქე

ოკუპირებულ ტერიტორიებზე მცხოვრები აბიტურიენტები სახელმწიფო უნივერისტეტებში სრულად დაფინანსდებიან - სამინისტრო

წინასწარი შეთანხმებით ჯგუფის მიერ სხვისი ფულადი თანხების თაღლითურად დაუფლების ფაქტზე საქართველოსა და ნიგერიის მოქალაქეები დააკავა