საქართველოს შრომის ინსპექციის განცხადებას კლუბ „მტკვარზე“-ს დამფუძნებელი, ქეთა გაბუნია გამოეხმაურა, რომლის თქმითაც, იმის გამო, რომ აბსოლუტურად ყველა პუნქტი სავენტილაციო სისტემის ტექნიკური მახასიათებლებით დაწყებული, ტევადობისა და შიგნით ოპერირების საკითხებით დამთავრებული, ხელისუფლების წარმომადგენლებთან გავლილი და შეთანხმებულია, დღეს, ივენთები მაინც ჩატარდება.

ქეთა გაბუნიას განცხადებით, საქართველოს ხელისუფლების ეს ქმედება, ღამის კლუბების მიზანმიმართული განადგურებისა და გაქრობის მცდელობაა.

„2 წლიანი ლოდინის მერე, ძლივს ვიხსნებით. იმის ფონზე, როცა ათასობით ადამიანს კრებენ მოედნებზე საახალწლო ღონისძიებებზე, თურმე კლუბები საფრთხის შემცველი ადგილები ვართ. თვეებია მიდის კვლევები, გახსნის პროტოკოლის შემუშავება, წესების დადგენა და უსაფრთხო ივენთებისთვის მომზადება, რომ უბრალოდ არ გავნადგურდეთ და ახალი წლის პერიოდი მაინც გამოვიყენოთ ოდნავ გონზე მოსასვლელად. აბსოლუტურად ყველა პუნქტი გავლილი და შეთანხმებულია, სავენტილაციო სისტემის ტექნიკური მახასიათებლებით დაწყებული, ტევადობის და შიგნით ოპერირების საკითხებით დამთავრებული. მათ დიდი ხანია იციან რომ 17-18 დეკემბერს ვიხსნებით და ოფიციალურ დასტურს საკოორდინაციო საბჭოსგან ველოდებოდით დღესაც, რადგან წინა 2 გადაიდო, ჯერ მინისტრის გადადგომის და შემდეგ, პრემიერის მივლინების გამო. აი ახლა, საღამოს 6 საათზე ვკითხულობთ ამას. რა არის ეს, თუ არა მიზანმიმართული განადგურება და უბრალოდ, ჩვენი გაქრობის მცდელობა. დღეს ჩატარდება ივენთები!!!“, - წერს ქეთა გაბუნია, თავის „ფეისბუკ“ გვერდზე.

ავტორი: ექსპრესნიუსი,

სოციალური ქსელები

წილოსანი ტიტუშკების დაორგანიზებაზე - მოძრაობას საჯაროდ აქვს დაანონსებული, რომ მყისიერი რეაგირება ექნებათ, ამიტომ ყველამ გააკონტროლოს თავი

იურისტი - იდეოლოგიური ნიშნით ადამიანების დევნის მიზნის მქონე ორგანიზაციის შექმნა ხელისუფლებასთან დაახლოებული პირთა ჯგუფის მიერ არის არამხოლოდ მძიმე სამართლებრივი, არამედ, პოლიტიკური განაცხადიც

ევროკავშირმა შესაძლოა რუსეთის წინააღმდეგ მასშტაბური სანქციების დაწესებაზე უარი თქვას

სოფელ პერევის მიმდებარედ რუსი ოკუპანტების მიერ გატაცებული მოქალაქე თავისუფალია – სუს