აზერბაიჯანში სამუშაო ვიზიტის ფარგლებში, საქართველოს ეკონომიკისა და მდგრადი განვითარების მინისტრი ნათია თურნავა აზერბაიჯანის მაღალი ტექნოლოგიებისა და ტრანსპორტის მინისტრს რაშად ნაბიევს შეხვდა.

შეხვედრაში ასევე მონაწილეობდნენ ეკონომიკისა და მდგრადი განვითარების მინისტრის მოადგილეები გენადი არველაძე და გურამ გურამიშვილი, აგრეთვე საქართველოს ელჩი აზერბაიჯანში ზურაბ პატარაძე.

შეხვედრაზე მინისტრებმა განიხილეს ორმხრივი თანამშრომლობის საკითხები სხვადასხვა სატრანსპორტო დარგებს შორის. გამოიყო ის მიმართულებები, სადაც ურთიერთობა განსაკუთრებით წარმატებულია. ყურადღება გამახვილდა თანამშრომლობაზე ისეთი მიმართულებების განვითარებაში,  როგორიცაა ტრასეკა, ტრანსკასპიური საერთაშორისო სატრანსპორტო მარშრუტი - შუა კორიდორი, სუამი, საერთაშორისო სატრანსპორტო დერეფანი სპარსეთის ყურე - შავი ზღვა, მარშრუტი ლაპის ლაზული და სხვ. განსაკუთრებული ყურადღება გამახვილა თანამშრომლობაზე ტრანსპორტის სფეროში ევროკავშირის „აღმოსავლეთ პარტნიორობის" პროექტში, რომელიც მიზნად ისახავს ტვირთბრუნვის ზრდას ევროპასა და აზიას შორის საქართველოსა და აზერბაიჯანის სატრანსპორტო ინფრასტრუქტურის გამოყენებით.  

განსაკუთრებული აქცენტი გაკეთდა ბაქო-თბილისი-ყარსის რკინიგზის შესახებ, რომლის გავლითაც გადაზიდული კონტეინერების რაოდენობა ზრდადი დინამიკით გამოირჩევა.

აღინიშნა, რომ ქვეყნებს შორის კოორდინირებული თანამშრომლობა ხელს უწყობს ევროპა - აზიის ტრანსპორტო დერეფანში ტვირთების მოზიდვის პროცესს, რაც საბოოლოდ დადებითად მოქმედებს ორივე ქვეყნის ეკონომიკებზე. კერძოდ, საუბარია სხვადასხვა რეგიონულ და საერთაშორისო პლატფორმებზე ერთობლივი პრეზენტაციების გამართვაზე, პროფილურ გამოფენებში მონაწილეობასა და სხვა სახის აქტივობების განხორციელებაზე.

შეხვედრაზე ასევე განიხილეს თანამშრომლობის საკითხები კავშირგაბმულობის, საინფორმაციო ტექნოლოგიების და სხვა დარგებში.

ავტორი: NS (სტატია დაფინანსებულია),

სოციალური ქსელები

კალაძე: კომპანია მარიჯანის N4-ში რომელიც ამჟამად აწარმოებს სამუშაოებს, თავად დაზარალებულებმა შეარჩიეს

თბილისში უკრაინაში დაღუპული მოხალისეების ხსოვნისადმი მიძღვნილი მსვლელობა გაიმართება

შეერთებულმა შტატებმა საქართველოს სასაზღვრო კომუნიკაციებისთვის ათობით როუტერი გადასცა

შინაგან საქმეთა სამინისტრომ „ქურდულ სამყაროსთან” კავშირში მყოფი 29 პირი დააკავა, ხოლო 3 პირს ბრალი დაუსწრებლად წარედგინება, მათ შორის ერთი ”კანონიერი ქურდია”