ევროკავშირი-საქართველოს ბიზნეს საბჭოს ორგანიზებით, უკვე მეორედ, ყოველწლიური კონფერენცია „შავი ზღვა - საქართველოს შესაძლებლობები და გამოწვევები“ გაიმართა. - ამის შესახებ ინფორმაციას საქართველოს რკინიგზა ავრცელებს.

მათივე ცნობით, საქართველოს რეგიონალური მნიშვნელობის სატრანსპორტო ინფრასტრუქტურული პროექტების პროგრესზე, ტრანსევროპული სატრანსპორტო ქსელის (TEN-T) გაფართოებისა და სამოქმედო გეგმის მნიშვნელობაზე, შავ ზღვაზე საბორნე/ფიდერული სერვისების განვითარებასა და სხვა მნიშვნელოვან მიმართულებებზე -  კონფერენციის მონაწილეებმა ისაუბრეს. 

ღონისძიებაზე პრეზენტაცია საქართველოს რკინიგზის გენერალურმა დირექტორმა წარადგინა. დავით ფერაძემ დელეგატებს საქართველოს რკინიგზაში მიმდინარე პროექტები, არსებული გამოწვევები და სამომავლო გეგმები გააცნო. განხილული იყო შუა დერეფნის მიღწევები და განვითარების პერსპექტივები. ასევე საქართველოს, როგორც სატრანსპორტო-ლოჯისტიკურ ცენტრად ჩამოყალიბების შესაძლებლობები.

ღონისძიების მთავარი მიზანი ევროპასთან თანამშრომლობის გაზრდა, შავი ზღვის ლოგისტიკური პოტენციალის და ახალი პერსპექტივების განხილვა იყო. კონფერენციას  საქართველოს მთავრობის, საერთაშორისო ორგანიზაციების,  დიპლომატიური კორპუსისა და ბიზნეს სექტორის წარმომადგენლები დაესწრნენ.

ავტორი: NS (სტატია დაფინანსებულია),

სოციალური ქსელები

წილოსანი ტიტუშკების დაორგანიზებაზე - მოძრაობას საჯაროდ აქვს დაანონსებული, რომ მყისიერი რეაგირება ექნებათ, ამიტომ ყველამ გააკონტროლოს თავი

იურისტი - იდეოლოგიური ნიშნით ადამიანების დევნის მიზნის მქონე ორგანიზაციის შექმნა ხელისუფლებასთან დაახლოებული პირთა ჯგუფის მიერ არის არამხოლოდ მძიმე სამართლებრივი, არამედ, პოლიტიკური განაცხადიც

ევროკავშირმა შესაძლოა რუსეთის წინააღმდეგ მასშტაბური სანქციების დაწესებაზე უარი თქვას

სოფელ პერევის მიმდებარედ რუსი ოკუპანტების მიერ გატაცებული მოქალაქე თავისუფალია – სუს