„ლიბერთის“,  გაეროს სურსათისა და სოფლის მეურნეობის ორგანიზაციის (FAO), გაეროს განვითარების პროგრამის (UNDP) და  გაეროს მოსახლეობის ფონდის (UNFPA) ერთობლივი ინიციატივით, სოფლად მცხოვრები ქალების ინფორმირებისა და გაძლიერებისათვის, საქართველოს რეგიონებში შეხვედრების ახალი სერია იწყება.

გორში გამართულ პირველ შეხვედრას გორისა და ხაშურის მუნიციპალიტეტებში მცხოვრები ქალები დაესწრნენ, რომლებიც  FAO-ს ,,სოფლის მეურნეობისა და სოფლის განვითარების პროექტში'' არიან ჩართულნი. მათ „ლიბერთის“ დირექტორის მოადგილემ მცირე და საშუალო ბიზნესის მიმართულებით   ირაკლი აბაშიძემ გააცნო ინფორმაცია  ბიზნესის და სოფლის მეურნეობის განვითარებაში გენდერული თანასწორობის როლის, ფინანსურ დაგეგმვასა და იმ საბანკო სერვისებზე, რომელსაც „ლიბერთი“ სოფლის მეურნეობაში ჩართულ ქალებს სთავაზობს.

„ლიბერთის“ განცხადებით, შეხვედრების მიზანია სოფლად მცხოვრები ქალების ცნობიერება აამაღლოს გენდერული თანასწორობის, რეპროდუქციული ჯანმრთელობისა და უფლებების, სათემო მონაწილეობის შესახებ, ქალთა ეკონომიკური გაძლიერების, ასევე იმ საბანკო სერვისების შესახებ, რაც სოფლის მეურნეობაში ჩართულ ქალებს გამოადგებათ.

,,ლიბერთი სოფლად მცხოვრები ქალების ინფორმირებისა და გაძლიერებისათვის  შეხვედრებს განაგრძობს გაეროს მოსახლეობის ფონდის  საქართველოს ოფისთან და გაეროს სურსათის და სოფლის მეურნეობის ორგანიზაციასთან ერთად.

ჩვენი ახალი სტრატეგია „ახალი ლიბერთი ახალი ცხოვრებისთვის",  არაერთ სიახლესთან ერთად,  ქალების მუდმივ  მხარდაჭერას  და მათ გაძლიერებას გულისხმობს.  ერთ-ერთი  მნიშვნელოვანი მიმართულება ლიბერთის  ყველაზე დიდი საბანკო ინფრასტრუქტურის გამოყენებით  მათთვის მარტივი მომსახურების   შეთავაზება და რეგიონში  აგრობიზნესის განვითარებაა" - განაცხადა ლიბერთი ბანკის მცირე და საშუალო ბიზნესის მიმართულების დირექტორის მოადგილემ, ირაკლი აბაშიძემ.

სოფლად მცხოვრებ ქალებთან ლიბერთის, გაეროს სურსათისა და სოფლის მეურნეობის ორგანიზაციის (FAO), გაეროს განვითარების პროგრამის (UNDP) და  გაეროს მოსახლეობის ფონდის (UNFPA) მორიგი ერთობლივი შეხვედრა  რაჭა-ლეჩხუმში გაიმართება.

ავტორი: R (რეკლამა),

სოციალური ქსელები

წილოსანი ტიტუშკების დაორგანიზებაზე - მოძრაობას საჯაროდ აქვს დაანონსებული, რომ მყისიერი რეაგირება ექნებათ, ამიტომ ყველამ გააკონტროლოს თავი

იურისტი - იდეოლოგიური ნიშნით ადამიანების დევნის მიზნის მქონე ორგანიზაციის შექმნა ხელისუფლებასთან დაახლოებული პირთა ჯგუფის მიერ არის არამხოლოდ მძიმე სამართლებრივი, არამედ, პოლიტიკური განაცხადიც

ევროკავშირმა შესაძლოა რუსეთის წინააღმდეგ მასშტაბური სანქციების დაწესებაზე უარი თქვას

სოფელ პერევის მიმდებარედ რუსი ოკუპანტების მიერ გატაცებული მოქალაქე თავისუფალია – სუს